WhatsApp مەسسەندجەرىن پايدالانۋشىلار كەزەكتى حاكەرلىك شابۋىلعا ۇشىرادى.

ESET انتيۆيرۋستىق كومپانياسىنىڭ مالىمدەۋىنشە، قوسىمشانىڭ ۆەب-نۇسقاسى ارقىلى ترويان تاراۋدا ەكەن. كيبەرقىلمىسكەرلەر ەلەكتروندىق پوشتالارعا WhatsApp Web مەسسەندجەرىنىڭ 2015 جىلى قاڭتاردا ازىرلەنگەن دەسكتوپتىق نۇسقاسىن كوشىرىپ الۋ ۇسىنىسىمەن حاتتار جولدايدى. حاتتا WhatsApp-تىڭ رەسمي سايتىنا اپاراتىن سىلتەمە كورسەتىلەدى. الايدا وعان سەنگەن پايدالانۋشىلار ويدان شىعارىلعان WhatsAppInstall.exe فايلى جاسىرىنعان بەتكە ءوتىپ، وندا Win32/TrojanDownloader.VB.QRM تروياننىڭ جۇكتەلۋىنە جول بەرەدى ەكەن. جۇكتەۋ كەزىندە كومپيۋتەرگە Win32/Spy.Banker.ABOD دەپ اتالاتىن ءقاۋىپتى باعدارلاما كوشىرىلەدى. ول، ءوز كەزەگىندە، پايدالانۋشىنىڭ ونلاين-بانكينگتەگى اۋتەنتيفيكاسيالىق مالىمەتتەرىن ۇرلاۋعا ارنالعان "شپيون" بولىپ تابىلادى. قازىردە ۆيرۋستىڭ برازيليادا جاسالعانى بەلگىلى بولدى. الايدا كيبەرشابۋىل الەمدەگى كەز كەلگەن پايدالانۋشىعا جاسالۋى مۇمكىن. Bnews.kz