بەلگىلى ساياساتكەر،  قوعام قايراتكەرى، وپپازيالىق كواليسيا مۇشەسى ءامىرجان قوسانوۆ 26 ساۋىردە وتەتىن قازاقستانداعى كەزەكتەن تىس پرەزيدەنت سايلاۋىنا ۇمىتكەر رەتىندە ءوز كانديداتۋراسىن ۇسىنۋعا نيەتتى ەكەنىن ايتتى. بۇل تۋرالى Qamshy.kz  وپرتالى حابارلايدى.

"ءيا، ونداي ويدىڭ بار ەكەنى راس (ۇمىتكەر رەتىندە سايلاۋعا ءتۇسۋ). ءقازىر كەزىندە ءوزىم دە تىزگىنىن ۇستاعان، قازاقستانداعى جالعىز لەگيتيمدى، بيلىكشىل ەمەس جاپلى ۇلتتىق سوسيال-دەموكراتيالىق پارتياسىنىڭ كەزەكتى جيىنىن كۇتۋدەمىن. اتالمىش پارتيا سەزدىنە قازاقستانداعى بارلىق دەموكراتيالىق كۇشتەر قاتىسادى دەپ كۇتىلۋدە. مەن ءوز كانديداتۋرامدى ۇسىنۋ ارقىلى دەموكراتيالىق كۇشتەردىڭ ىشكى تارتىسىن تۋدىرۋشى قۇرالعا اينالعىم كەلمەيدى. ەگەر سەزدە قابىلەتى مەن پاراساتى تولىسقان، ەل باسقارۋعا شاماسى جەتەتىن، لايىقتى كانديدات ۇسىنىلاتىن بولسا، مەن ارينە، كوپپەن بىرگە ونى قولدايتىن بولامىن. ال ەگەر، سەزدتە لايىقتى ۇمىتكەر ۇسىنىلمايتىن بولسا، مەن 14 ناۋرىز كۇنى، ياعني تىركەۋ اياقتالاتىن سوڭعى كۇندە ءوز كانديداتۋرامدى ۇسىنامىن. ال  مەنىڭ سايلاۋعا تۇسۋ-تۇسپەۋ تۋرالى ناقتى شەشىمىم جسدپ سەزدىنەن كەيىن بەلگىلى بولادى"، - دەدى ساياساتكەر ءامىرجان قوسانوۆ.

ءامىرجان قوسانوۆ قازۇۋ-دىڭ (بۇرىنعى كيروۆ) جۋرناليستيكا فاكۋلتەتىن ءتامامداعان. ول بۇعان دەيىن پرەزيدەنتتىك سايلاۋعا تۇسپەگەن. 1990 جىلداردىڭ باس شەنىندە پرەمەر-مينيستردىڭ باسپا ءسوز قىزمەتىن باسقارعان. ۇلكەن ساياساتتا ول -  رەسپۋبليكالىق حالىقتىق پارتيا  جانە جسدپ جەتەكشىلەرىنىڭ ءبىرى بولدى.