بۇگىن ەلباسى نۇرسۇلتان نازاربايەۆ قازاقستاندا 26 ساۋىردە وتەتىن كەزەكتەن تىس پرەزدەنت سايلاۋىنا قاتىساتىنىن مالىمدەگەن بولاتىن. ءتىپتى، مىرزاتاي جولداسبەكوۆ ءتوراعالىق ەتەتىن لينگۆيستيكالىق كوميسسيانىڭ سىناقتارىنان دا سۇرىنبەي وتكەن. قحا ۇسىنىپ، ەلباسى شەشىم قابىلداپ، قازاقستاندىقتار ءبىر اۋىزدان قولداپ، قولپاشتاپ سايلاۋ وتكىزۋگە بەل شەشە كىرىسكەن تۇستا، بيىلعى جىلعى  ساۋىردەگى سايلاۋدا پرەزيدەنت نازاربايەۆتىڭ سايلاۋالدى كومپانيسىن كىم باسقارادى دەگەن سۇراق تۋىندايتىنى تاعى راس.

وسىعان دەيىنگى قوس بىردەي دودادا جەڭىمپاز اتانۋعا پرەزيدەنت نازاربايەۆتىڭ كومانداسى بەلسەندىلىك تانىتقانىن بىلەسىزدەر. پرەزيدەنتتىڭ سايلاۋالدى كومپانياسىن كىم باسقارسا دا، جاقسى سىياقىدان قۇر قالمايتىنى تۇسىنىكتى.

مىسالى، 2005 جىلى پرەزيدەنت نۇرسۇلتان ءابىشۇلىن جەڭىسكە جەتەلەگەن سول كەزدەگى سايلاۋالدى كومپانيا جەتەكشىسى باقىتجان جۇماعۇلوۆ ەدى. ول "وتان" پارتياسىنىڭ اتىنان نۇرسۇلتان ءابىش ۇلىنىڭ قوعامدىق شتابىن باسقارعان بولاتىن. ءتىپتى، پرەزيدەنت نازاربايەۆ باقىتجان جۇماعۇلوۆقا "وتان" پارتياسىنىڭ ءبىرىنشى ءتوراعاسى لاۋازىمىن دا بەرگەن بولاتىن. كەيىننەن "وتان" پارتياسىنىڭ قۇرامىنا تاعى بىرنەشە ساياسي كۇشتەر قوسىلادى. ءسويتىپ، باقىتجان تۇرسىن ۇلى ەكىنشى ساتىعا ىعىسادى.

الدىڭعى ەكى بىردەي سايلاۋ ناۋقانىندا ءوزىنىڭ قابىلەتتىلىگىمەن كوزگە تۇسكەن باقىتجان جۇماعۇلوۆ مىرزا 2007 جىلى بىردەن ءماجىلىستىڭ ۆيسە-سپيكەرى اتانادى. ال 2008 جىلى بەلگىلى ءبىر سەبەپتەرمەن جايلى لاۋازىمىنان ءتۇسىپ، جوو رەكتورلىعىنا بارادى.

ال 2011 جىلعى سايلاۋ ناۋقانى كەزىندە مەملەكەت باسشىسى بارلىق داڭعازا مەرەكەلەردەن باس تارتىپ، جولداۋدا كورسەتىلگەن جۇمىستاردىڭ اتقارىلۋىنا اسا ءمان بەرەدى. ول كەزدە "نۇر وتاننىڭ" ءبىرىنشى ورىنباسارى نۇرلان نىعماتۋلين پرەزيدەنتىڭ قوعامدىق شتابىن باسقارۋ ىسىنە بەل شەشە كىرىسكەن ەدى. سايلاۋ ناۋقانى ءساتتى اياقتالىسىمەن نۇرلان  زايرۋللا ۇلى پارلامەنتتىڭ تومەنگى پالاتاسىنىڭ تىزگىنىن ۇستايدى. ال ءقازىر نىعماتۋللين پرەزيدەنت اكىمشىلىگىن باسقارادى.

نىعماتۋلين جۇماعۇلوۆتىڭ قاتەلىگىن جىبەرگەن جوق. ەسەسىنە وعان ۇلكەن ساياساتتاعى تاجىربيەسى مەن "نۇر وتاندى" باسقارىپ تۇرعان كەزدەگى بەدەلى كوپ كومەگىن تيگىزدى دەيدى ساراپشىلار.

بيىل شە؟ حالىقتىڭ ىقىلاسىن جيىپ، پرەزيدەنتتى ورىنتاعىنا قايتا وتىرعىزاتىن تۇلعا كىم؟ مۇمكىن "نۇر وتان" پارتياسىنىڭ ءبىرىنشى ورىنباسارى باۋىرجان بايبەك مىرزا باسقاراتىن بولار. ءبىراق كەيبىرەۋلەر باۋىرجان مىرزانىڭ ىسكەرلىك تاجىريبەسىنە كۇمانمەن قارايدى. سوندىقتان جاقىندا عانا پرەزيدەنت كەڭەسشىلىگىنەن بوساتىلعان مۇحتار قۇل-مۇحاممەد مىرزا وسى قىزمەتكە لايىق سياقتى. ءسىز قالاي ويلايسىز؟

نۇرزات توعجان