جاقىندا رەسەيلىك بۇقارالىق اقپارات قۇرالدارىندا رف پرەزيدەنتى ۆلاديمەر ءپۋتيننىڭ يسلام ءدىنىن قادىلداعانى تۋرالى جازا باستاعان ەدى.  وسىعان قاتىستى رف پرەزيدەنتىنىڭ باسپا ءسوز حاتشىسى دميتريي پەسكوۆ مىرزا "ينتەرفاكسكە" بەرگەن سۇحباتىندا  "Lifenews" ارناسىنىڭ تاراتقان بۇل اقپاراتىنىڭ شىندىققا جاناساتىنىن جەتكىزدى.

"ءيا، ونداي شەشىمنىڭ قابىلدانعانى راس. پرەزيدەنت مىرزا ماعان بۇل جايلى ەگجەي-تەگجەيلى ايتىپ بەرگەن جوق. ءبىراق، بۇل ونىڭ  جەكە باسىنا قاتىستى. ءوز قالاۋى. مەن پرەزيدەنت ۆلاديمەر ءپۋتيننىڭ بۇل تاڭداۋىن قۇپتايمىن. ءتىپتى، بۇل مەنى دە قىزىقتىرىپ ءجۇر. مەن دە ءقازىر قۇران وقىپ ۇيرەنۋدەمىن"،-دەيدى رف پرەزيدەنتىنىڭ باسپا ءسوز حاتشىسى د. پەسكوۆ مىرزا.

ال رف قوعاممەن بايلانىس ءبولىمىنىڭ باسشىسى ۆسيەۆولود چاپلين مىرزا "روسسيا" تەلەارناسىنا بەرگەن سۇحباتىندا: - رەسەي پاتريارحى قاتتى اۋىرىپ جاتقانىنا بايلانىستى ول كىسى بۇل ماسەلەگە قاتىستى قانداي دا ءبىر مالىمدەمە جاساي المايدى. ال مەنىڭ جەكە باسىما كەلەر بولساق، رف پرەزيدەنتىنىڭ بۇل شەشىمىنە، ارينە تۇسىنىستىكپەن قارايمىن. ول ونىڭ جەكە تاڭداۋى،-دەپ مالىمدەمە جاساعان.

بۇل جاڭالىقتى بولىسۋدەن شەشەنستان پرەزيدەنتى رامزان قادىروۆ تا قۇر قالمادى. ول ءوزىنىڭ "تۆيتتەر" الەۋمەتتىك جەلىسىندەگى پاراقشاسىندا "بۇرىن-سوڭدى مۇنداي قۋانىشتى جاڭالىق ەستىمەگەنىن" ايتادى. ءتىپتى، رامزان احماد ۇلى "جاقىندا ۆلاديمەر ۆلاديمەريچ بارلىق كاپىرلەر مەن مۇنافىقتارعا قارسى جيھاد اشسا مەن قۋانار ەدىم" دەپ جازادى. ول ءوزىنىڭ جازباسىندا "كاپىرلەر" مەن "مۇنافىقتار" دەپ "شارلي ەبدو جۋرنالىنا يسلام دىنىنە قاتىستى ءتۇرلى ءاجۋفلار مەن كاريكاتۋرا جاريالاعانداردى" نۇسقاپ وتىرعانىن ەسكەرتەدى.

ال رەسەيلىك ساياساتكەر سەرگەي ماركوۆ  رف پرەزيدەنتىنىڭ يسلامدى قابىلداۋىن قازىرگى تاڭداعى الەمدىك گوەساياسي احۋالدارمەن بايلانىستىرادى. ول رەسەيلىك "دوجد" ارناسىنا بەرگەن سۇحباتىندا "ءبىزدىڭ پرەزيدەنت تەك ءبىزدىڭ قامىمىزدى ويلاعاننان وسى قادامعا باردى. اقش جانە باتىس ەلدەرىنىڭ توپەلەپ سانكسيالار جاۋىپ، رەسەي قيىن-قىستاۋ كەزەڭنىڭ الدىندا تۇرعانىن بىلەسىزدەر. وسىنداي كەزدە سەنىمدى سەرىك بولا الاتىن، ءبىزدىڭ ساياساتىمىزدى قولدايتىن مەملەكەتتەردى اينالامىزعا توپتاستىرۋىمىز كەرەك. ال ىشكى سەنىمگە كەلەتىن بولساق، قۇداي ءبىر ەكەنى ايان"،-دەگەن.

رف پرەزيدەنتىنىڭ يسلام ءدىنىن قابىلداۋىنا نە سەبەپ بولعانىن جۋرناليستەرگە رف ءسىم سەرگەي لاۆروۆ مىرزا ءتۇسىندىرىپ بەرگەن. رەسەيدىڭ سىرتقى ىستەر ءمينيسترى سەرگەي لاۆروۆ مىزرا ءپۋتيننىڭ يسلامدى قابىلداۋىنىڭ تۇپكى سىرى، جاقىندا رەسەيگە يسلام مەملەكەتتەرىنىڭ پرەزيدەنتتەرىنىڭ كەلەتىنىن جانە اتالمىش كەزدەسۋلەر بارىسىندا تاياۋ شىعىستى، ورتالىق ازيادا جانە قارا تەڭىز ماڭىندا بىرلەسكەن اسكەري وقۋ-جاتتىعۋلار وتكىزۋ ماسەلەلەرى تالقىلاناتىنىن ايتقان.

نۇرزات توعجان