قىر استىندا كومىلىپ قالدى ءىبىلىس، مانگە اينالدى كەشەگى سان قۇبىلىس. ۇلى ادامدار ايتادى ۇلى ءسوزدى، ماڭگىلىك ەر جاسايدى ماڭگىلىك ءىس!   كوپتەن كۇتكەن دالاما  جىل قۇسى كەپ، تاسىعان ءبىر كوڭىلمەن گۇل قۇشىپ ەك! «تاۋەلسىزدىك!» دەيتۇعىن ۇلى ءسوزدى، ءسىز ارقىلى ەستىدىك تۇڭعىش رەت!   قۇلاعالى قاي زامان حاندىق تۋى؟! سالدى ازاپقا زاماننىڭ  سان بىتقىلى. «قازاق كەلسىن شەتتەگى!»  دەگەن تاعى، قويدىڭ تۇڭعىش قولىڭدى جارلىققا ۇلى!   دالام قايتا كوركەيدى،  جۇرت وزگەردى، باستان تالاي وتكىزدىك كىلتەڭ كەزدى. ءۇش عاسىرعا تاياعان، ءۇش عاسىرعا، اڭساعالى قازاعىڭ بۇل سوزدەردى.     از با سىرتتا جەرىمە كوزدەر  تۇنعان؟! بۇل سوزدەردى بۇزباسىن وزگە انتۇرعان! ۇلى دەمەي جىگىتتى، كىم دەيىن مەن، ماڭگى وشپەيتىن وسىناۋ ءسوز قالدىرعان؟!!     جىگىت بولدى سونداعى جاپ-جاس بالا، جاۋرامايتىن تابانى قار باسسا دا. بولاشاققا ماڭگىلىك جوسپار جاساپ، سالدىڭ اكەپ ارقاعا ماڭگى استانا!   ارمانشىل ەل ءسىز سەنگەن ناندى ۇمىتكە، سەرتتە تۇرۋ – قاسيەت ءتان جىگىتكە! ماڭگىلىك ەل ورناتتىڭ وتى جانعان، شەكاراسى بەكىگەن ماڭگىلىككە!   ءالى الىستا ءسىز بارىپ تىنىعار شىڭ، الدىمىزدا جۇرە بەر كۇلىپ ءار كۇن. توبەسىنە كوتەرىپ، الپەشتەيدى، قازاق دەگەن قاشاننان ۇلى حالقىڭ!   كۇن ەڭكەيىپ، دەمە سەن، كولەڭكە وزدى، جىبەر تاعى الىسقا جەدەل كوزدى! قانداسىمىز نۇرسۇلتان نازاربايەۆ، ماقتانىشپەن ايتامىز دەگەن ءسوزدى!   اتىڭدى ەلىڭ بۇگىن-اق جازدى التىنعا، سەنسىڭ ءالى جان وتى مازدار تۇلعا! وزگەرمەيدى ۇلى ءسوز، ۇلى جارلىق، ماڭگىلىك ءىس تۇرادى قاز-قالپىندا!   ارقا-اتىراۋ تۇرعاندا، جەر ماڭگىلىك، قازاق دەگەن تۇرعاندا، ەل ماڭگىلىك، ادامزاتتىڭ اۋقىمدى تاريحىندا، قالارىڭ حاق، نۇرەكە، سەن ماڭگىلىك!  

استانا. 11.03.2015