2015 جىلعى 12 ناۋرىزدا «بىرلىك» ساياسي پارتياسى» قوعامدىق بىرلەستىگىنىڭ ساياسي اتقارۋ كوميتەتى 2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى تۋرالى ماسەلە بويىنشا كەڭەيتىلگەن وتىرىس وتكىزدى.

        وتىرىسقا پارتيانىڭ  وبلىستىق،  قالالىق فيليالدارىنىڭ جەتەكشىلەرى مەن وكىلدەرى، 120- دان استام بەلسەندى مۇشەلەرى مەن بۇقارالىق اقپارات قۇرالدارىنىڭ وكىلدەرى قاتىستى.

        وتىرىستا «بىرلىك» پارتياسىنىڭ ءتوراعاسى سەرىك سۇلتانعالي 2015 جىلدىڭ 26 ساۋىرىندە وتەتىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا قاتىسۋ ءۇشىن نۇرسۇلتان ءابىش ۇلى نازاربايەۆتىڭ كانديداتۋراسىنىڭ ۇسىنىلۋىن  قولداپ ءسوز سويلەدى.

        وتىرىسقا قاتىسۋشى پ.ۆ. كليموۆتىڭ، ت.ش. قۋانىشيەۆتىڭ، ك. بەكمۇرزايەۆانىڭ، ب.و. الدابەرگەنوۆتىڭ سويلەگەن سوزدەرى تىڭدالدى، ولار پارتيا ءتوراعاسىنىڭ ۇسىنىسىن ءبىراۋىزدان قولدادى.

     وتىرىس سوڭىندا الداعى پرەزيدەنت سايلاۋىنا قاتىسۋ ءۇشىن قازىرگى مەملەكەت باسشىسىنىڭ كانديداتۋراسىن ۇسىنۋدى قولداۋ تۋرالى مالىمدەمە ءبىراۋىزدان قابىلداندى.

قازاقستان ءوزىنىڭ الدىنا ەكونوميكانىڭ جاڭا ساپالىق وسۋىنە قول جەتكىزۋ جانە الەمنىڭ  ەڭ باسەكەگە قابىلەتتى 30 ەلىنىڭ قاتارىنا كىرۋ جونىندەگى امبيسيالىق ماقساتتار قويىپ وتىر. مەملەكەت باسشىسى باستاما جاساعان ۇزاق مەرزىمدى «قازاقستان – 2050» ستراتەگياسى، «نۇرلى جول» باعدارلاماسى، سونداي-اق باسقا دا ستراتەگيالىق باعدارلامالار وسى ماقساتتى ىسكە اسىرۋعا ارنالعان.

«سوندىقتان  «بiرلiك»  پارتياسى - حالىق بىرلىگى پارتياسى، ءوزىنىڭ  ساياسي قاعيداتتارى مەن قۇندىلىقتارىنا سايكەس 2015 جىلى 26 ساۋىردەگى قازاقستان رەسپۋبليكاسى پرەزيدەنتىنىڭ سايلاۋىنا قاتىسۋ ءۇشىن نۇرسۇلتان نازاربايەۆتىڭ كانديداتۋراسىن ۇسىنۋدى بەرىك  قولدايتىنىن بىلدىرەدى» دەلىنگەن مالىمدەمە ماتىنىندە.

«بىرلىك»  ساياسي پارتياسى اپپاراتى