"اڭىز ادام" جانە "جۇلدىزدار وتباسى" جۋرنالدارىنىڭ رەداكتورى جارىلقاپ قالىباي كەزەكتەن تىس پرەزيدەنت سايلاۋىنا قاتىسۋ ءۇشىن ورتالىق سايلاۋ كوميسسياسىنا قۇجات تاپسىردى، - دەپ حابارلايدىTengrinews.kz ءتىلشىسى.
ول قازاقستان پرەزيدەنتتىگىنە نيەت بىلدىرگەن 22-ادام بولدى. ورتالىق سايلاۋ كوميسسياسى باسپا ءسوز قىزمەتىنىڭ حابارلاۋىنشا، 55 جاستاعى جارىلقاپ قالىباي 12 ناۋرىز كۇنى ءوتىنىش بەردى.
ەسكە سالايىق، 2014 جىلدىڭ ءساۋىر ايىندا "اڭىز ادام" جۋرنالىنىڭ توڭىرەگىندە داۋ تۋعان ەدى، باسىلىم ادولف گيتلەردىڭ 125 جىلدىعىنا ارنالعان ءنومىر شىعاردى. ماقالالاردا اۆتورلار گيتلەردى ءوز حالقىنىڭ قۇقىعى ءۇشىن كۇرەسكەن پارمەندى تۇلعا ەتىپ سيپاتتادى. جۋرنالدىڭ بۇل ءنومىرى قوعام مۇشەلەرىنىڭ نارازىلىعىن تۋعىزدى. ارداگەرلەر ۇيىمدارىنىڭ وكىلدەرى جاريالانىمدار گيتلەردى ماداقتايدى دەپ مالىمدەپ، باسىلىمدى جابۋدى تالاپ ەتتى.
كەيىن "اڭىز ادامنىڭ" اتىشۋلى ءنومىرى تاركىلەندى. بۇعان قوسا، جارىلقاپ قالىبايعا 15 اەك (27 780 تەڭگە) كولەمىندە، جۋرنال رەداكسياسىنا 70 اەك (129 640 تەڭگە) كولەمىندە ايىپپۇل سالىندى. سوت باسىلىم رەداكتورىن ارداگەرلەرگە 13 ميلليون تەڭگە كولەمىندە وتەماقى تولەۋدى مىندەتتەدى.
بۇعان دەيىن ورتالىق سايلاۋ كوميسسياسى وكىلدەرى 9 كانديداتتى تىركەۋگە الۋدان باس تارتىلعانىن حابارلاعان ەدى: ەكەۋى ءتيىستى جاسقا جەتپەگەندىكتەن، جەتەۋى لينگۆيستيكا كوميسسياسى ەمتيحانىن تاپسىرا المادى. 4 ادام ەمتيحاننان ءوتتى، تالاپتارعا سايكەستىگى تەكسەرىلدى، ولارعا قول قويۋ پاراقتارى بەرىلدى. سايلاۋ ناۋقانىنىڭ كەلەسى كەزەڭىنە قانات تۇراگەلدييەۆ، قازاقستاننىڭ قازىرگى پرەزيدەنتى نۇرسۇلتان نازاربايەۆ، ءوزىن-وزى ۇسىنۋشى ليمانا قويشييەۆا جانە كانديداتتىققا قكحپ اتىنان ۇسىنىلعان تۇرعىن سىزدىقوۆتار ءوتتى.
بۇعان قوسا، 12 ناۋرىزدا ورتالىق سايلاۋ كوميسسياسىنا ۋاقىتشا جۇمىسسىز مۇرات تەلىبەكوۆ، كاسىپوداقتار فەدەراسياسىنىڭ ءتوراعاسى ءابىلعازى قۇسايىنوۆ، "ەكولوگيالىق تۇراقتىلىق" بىرلەستىگىنىڭ ءتوراعاسى سەرىك مۇقاش، زەينەتكەر امانتاي اسىلبەك جانە ۋاقىتشا جۇمىسسىز ايگۇل وتەپوۆا ءوتىنىش بەردى.
