13 ناۋرىز، Qamshy.kz  -   ەستەرىڭىزدە بولسا، پرەزيدەنت ن. نازاربايەۆتىڭ ەلىمىزدە 26 ساۋىردە وتەتىن كەزەكتەن تىس پرەزيدەنت سايلاۋىنا قاتىساتىنى تۋرالى اقپارات جاريالانعان بولاتىن.  وسىعان وراي Qamshy.kz  پورتالى 11 ناۋرىز كۇنى  "ەلباسىنىڭ  سايلاۋالدى كومپانياسىن كىم باسقارادى" اتتى شولۋ جاساعان ەدى. وندا پرەزيدەنت نۇرسۇلتان ءابىش ۇلىنىڭ وسىعان دەيىنگى سايلاۋداعى ۇگىت-ناسيحات جۇمىستارىنا جاۋاپتى تۇلعالاردى سارالاي كەلە، الدىمىزداعى كەزەكتەن تىس سايلاۋدا ەلباسىنىڭ سايلاۋالدى كومپانياسىن باسقارۋعا لايىقتى تۇلعالاردى نازارلارىڭىزعا ۇسىنعان. كومپانيانى باسقارۋى مۇمكىن دەگەن تۇلعالاردىڭ قاتارىندا بۇرىنعى پرەزيدەنت كەڭەسشىسى مۇحتار قۇل-مۇحامەد مىرزادا بولعان ەدى. كەشە بەلگىلى بولعانداي الداعى سايلاۋ ناۋقانىندا پرەزيدەنتتىڭ كانديداتۋراسىن ناسيحاتتاۋ جۇمىستارىن - ەكس-كەڭەسشى مۇحتار ابرار ۇلى اتقارۋ تۋرالى شەشىم شىققان. بۇل تۋرالى vlast.kz  پورتالى  پرەزيدەنت اكىمشىلىگىنە سىلتەمە جاساي وتىرىپ حابارلادى. مۇحتار ابرار ۇلىنىڭ بۇل جاۋاپتى جۇمىسقا تاعايىندالعانى تۋرالى قاۋلى بۇگىن كۇشىنە ەنۋى مۇمكىن. مۇحتار ابرار ۇلى قۇل-مۇحامەد مىرزا وسىعان دەيىن ق ر مادەنيەت جانە اقپارات ءمينيسترى، پرەزيدەنت كەڭەسشىسى، مەملەكەتتىك حاتشى، پرەزيدەنت اكىمشىلىگىندە، پرەزيدەنتتىڭ باسپا ءسوز قىزمەتىن باسقارعان، سەناتور، قىزىلوردا وبلىسى اكىمى سەكىلدى ءبىرقاتار لاۋازىمدى قىزمەتتەردى اتقارعان. ال  1999 جىلى كانديدات نازاربايەۆتىڭ سايلاۋالدى شتابىن سەرگەي تەرەششەنكو مىرزا باسقارىپ، سايلاۋ اياقتالعان سوڭ ەكى ايدان كەيىن قۇرىلعان "وتان" پارتياسىنىڭ ءتوراعاسى قىزمەتىنە تاعايىندالعان ەدى. 2005 جىلعى سايلاۋدا بۇل قىزمەت  بۇرىنعى "وتان" پارتياسىنىڭ ءتوراعاسى بولعان باقىتجان جۇماعۇلوۆ مىرزاعا جۇكتەلگەن بولاتىن. 2011 جىلعى سايلاۋ ناۋقانىندا پرەزيدەنتتىككە ۇمىتكەر نازاربايەۆتى جەڭىسكە جەتەلەگەن "نۇر وتان" پارتياسىنىڭ ءبىرىنشى ورىنباسارى نۇرلان نىعماتۋلين ەدى.  ءساتتى اياقتالعان سايلاۋدان كەيىن نۇرلان مىرزا دا سىي-سىياپاتتان قۇر قالماعان. ال بىيلعى سايلاۋدا قازىرگى ەلباسى نۇرسۇلتان ءابىش ۇلىنىڭ سايلاۋالدى شتابىن باسقارۋ لاۋازىمى  مۇحتار ابرار ۇلىنىڭ موينىنا جۇكتەلىپ وتىر. ەسكە سالا كەتەيىك، مۇحتار قۇل-مۇحامەد مىرزا ناۋرىزدىڭ 4ء-ى كۇنى پرەزيدەنت نازاربايەۆتىڭ شەشىمىمەن پرەزيدەنت كەڭەسشىسى قىزمەتىنەن بوساتىلعان بولاتىن.