كەشە ءوز پاتەرىندە جۋرناليست يلونا ەكشەمبەيەۆانىڭ جانسىز دەنەسى تابىلدى.

جۋرناليست ازاماتتىق نەكەدەگى جولداسىنىڭ قولىنان قازا تاپقان دەپ حابارلايدى Nur.kz. پوليسيا 40 جاسار ەكشەمبەيەۆانى ولتىرگەن قىلمىسكەردى انىقتادى. بۇل تۋرالى الماتى ىشكى ىستەر دەپارتامەنتىنىڭ باسپا ءسوز قىزمەتىنەن حابارلاندى. الدىن الا مالىمەتتەر بويىنشا، قايعىلى وقيعا جۇمىسسىز ايەل مەن ونىڭ ازاماتتىق نەكەدەگى جولداسى بىرگە ىشىمدىك قابىلداپ، ارتى جانجالعا ۇلاسقاننان كەيىن ورىن العان. كۇدىكتى – 44 جاستاعى الماتى تۇرعىنى. قازىرگى ۋاقىتتا ايىپتالۋشى ىشكى ىستەر دەپارتامەنتىنىڭ ۋاقىتشا يزولياتورىندا قاماۋدا وتىر. "قىلمىستىق كودەكستىڭ 99 بابى بويىنشا قىلمىستىق ءىس ءالى جالعاسۋدا"، - دەيدى پوليسيا. ايەلگە پىشاقپەن جاراقاتتار سالىنعان، دەپ تولىقتىردى "ەكسپرەسس ك"گازەتى. يلونا ەكشەمبەيەۆا ءار جىلدارى "ليتەر" گازەتىندە، رەسپۋبليكالىق تەلارنالاردىڭ بىرىندە، ينتەرنەت باسىلىمداردا، الماتى ىشكى ىستەر دەپارتامەنتىنىڭ باسپا ءسوز قىزمەتىندە جۇمىس ىستەگەن. جۋرناليست بار جوعى 40 جاستا ەدى.