قازاقستان كاسىپوداقتار ۇيىمى الدا وتەتىن ق ر پرەزيدەنتىن سايلاۋ ناۋقانىندا نۇرسۇلتان نازاربايەۆتىڭ كانديداتۋراسىن قولدايدى. بۇل جايىندا بۇگىن استانادا ءوتىپ جاتقان فەدەراسياىڭ اتقارۋشى كوميتەتىنىڭ كەزەكتى وتىرىسىندا ايتىلىپ وتىر.
قازاقستاننىڭ كاسىپوداقتار فەدەراسياسى – ەلىمىزدىڭ ساياسي-الەۋمەتتىك قاتىناستارى سالاسىنداعى مەملەكەتتىك ساياساتتى تۇزەپ جانە ونى جۇزەگە اسىرىپ وتىرعان ۇلكەن قوعامدىق كۇش. ول جالدامالى جۇمىسشىلاردىڭ الەۋمەتتىك-ەكونوميكالىق قۇقىقتارىن قورعاۋدا جوسپارلى تۇردە جۇمىستار اتقارىپ كەلەدى. فەدەراسيا جالپىۇلتتىق دەموكراتيالىق كۇشتەر كواليسياسىنىڭ مۇشەسى رەتىندە ەلدىڭ قوعامدىق-ساياسي ومىرىنە بەلسەنە ارالاسۋدا.
اتالعان جيىن بارىسىندا اتقارۋشى كوميتەت مۇشەلەرى الدا وتەتىن سايلاۋدا ءبىراۋىزدان ن.نازاربايەۆتىڭ كانديداتۋراسىن قولدايتىنىن مالىمدەپ، ەلباسىنىڭ كاسىپوداقتار قوزعالىسىنىڭ قالىپتاسۋىنا جانە دامۋىنا ۇلكەن ۇلەس قوسقاندىعىن اتاپ ءوتتى. مەملەكەت باسشىسىنىڭ ءاربىر جولداۋى ەلدەگى الەۋمەتتىك-ەكونوميكالىق جاعدايدى تۇراقتاندىرۋعا باعىتتالعان. ياعني، جۇمىسسىزداردىڭ سانىن قىسقارتىپ، حالىقتىڭ الەۋەتىن ارتتىرۋ باستى ماقسات دەيدى ولار.
