ول سىنامايدى، داۋلاسپايدى، كۇيىپ-پىسپەيدى. بىردەڭەنى دالەلدەگەن بولاسىڭ، مەنىكى دۇرىس دەپ ويلايسىڭ، ونىكى دۇرىس بولعانىن ۋاقىت كورسەتىپ جاتادى. بۇدان 10 شاقتى جىل بۇرىن «نازاربايەۆ كەتۋى كەرەك، مەيلى ورنىنا كىم كەلسە، ول كەلسىن، ءبىراق بيلىك اۋىسۋى كەرەك دەپ ويلايتىنمىن. وسىنى دالەلدەپ باعاتىنمىن. ول بولسا «نازاربايەۆ ءبىز ءۇشىن ەڭ جاقسى ساياسات جۇرگىزىپ كەلەدى، نازاربايەۆ قازاقستاننىڭ باعىنا بەرگەن پرەزيدەنت» دەۋدەن تانبايتىن. ەڭ اۋىر وقيعالاردىڭ ءوزى ونىڭ وسى كوزقاراسىن وزگەرتە المايتىن.

بىرتىندەپ بەرىكتىڭ سوزدەرى دۇرىس ەكەنىن مويىنداي باستادىم. ءقازىر كوپ نارسەگە ونىڭ سول كەزدەگى كوزىمەن قارايمىن. سىناماۋعا، كۇيگەلەكتەنبەۋگە تىرىسام. بەرىك ەمەس، ءومىر ۇيرەتتى.

تۇراقتى اسكەرى، قارۋ-جاراق سوعاتىن ۇستاحانالارى، مەملەكەتتىك اپپاراتى، زاڭدارى جوق قازاق حاندىعى قالاي امان قالىپ، وسىنىڭ ءبارى بولعان جانە قىتايدى ۇنەمى جەڭۋىپ وتىرعان، ءتىپتى ورىس اسكەرىن ءبىر رەت تالقانداعان جوڭعار مەملەكەتى نەگە قۇرىپ كەتتى؟ ول كەزدە ەشكىم قىزىقپاپ ەدى، ەندى قاراسا قازاق دالاسى ەڭ باي جەر بوپ شىقتى. شىنىمەن دە قۇدايدىڭ قاراسقانى.

نازاربايەۆ شىنىمەن دە كورەگەن باسشى. ءبىر كەزدەرى سەنبەۋشى ەدىم، كەيىن دە كۇمانداناتىنمىن. ۋكراينا كوزىمە شۇقىپ كورسەتتى. نازاربايەۆتىكى دۇرىس بولعانىن مويىنداۋ ءۇشىن ەندى كەرەك؟ دونباستىڭ بىزگە كەلۋى مە؟ «پۋتين رەسەيدى قۇتقارۋشى» دەيتىن. ءبارى وتىرىك بوپ شىقتى. ءپۋتيننىڭ تۇبىنە نە قادىروۆ جەتەدى، نە پۋتين ونىڭ كوزىن جويىپ قۇتىلادى. ءبىراق ماسەلە قالادى. ءبىر كەزدە ابىرويىن كوتەرگەن شەشەن سوعىسى ەدى، ول ماسەلە شەشىلمەپتى. تۇراقتىلىق ورنادى دەپ جۇرگەنى «مينا زامەدلەننەگو دەيستۆيا» ەكەن.

نازاربايەۆ تا ماڭگى ەمەس. ءبىراق پۋتين كەتىپ، جاعداي ءبىر جايلى بولعانشا امان بولسىن. ءوز باسىم وسىنى تىلەيمىن. ءبارى وسىلاي ويلاسا، تابىنىپ كەتسە دەمەيمىن. سىناعىسى كەلگەن، بوقتاعىسى كەلگەن جۇرت سويتە بەرسىن. ول دا كەرەك. ءبىراق بۇكىل ءومىرىن پرەزيدەنتتى جامانداۋعا ارناعان كىسىلەرگە ايتارىم – كەشىرىڭىز، جاي عانا دەماگوگسىزدار. قالايشا بۇكىل قابىلەتتەرىڭىزدى ءبىر ادامدى سىناۋعا ارناۋعا بولادى؟ بۇل ول كىسىلەردىڭ ءومىر سالتىنا اينالىپ كەتكەن. ءوزى ەسەپ بەرمەۋى مۇمكىن، ىلعي ءبىر نارسەنى سىنايتىن ادام – ەشتەڭەگە ريزا بولمايتىن، جان-جاعىنا دىگىرلەپ، تەلەديداردان كىم سويلەسە سونىمەن ۇرسىسىپ وتىراتىن ادام.

از ۋاقىت بۇرىن نازاربايەۆتى ماقتايتىن ماقالالار جازۋعا، 20 شاقتى ماقالا جازۋعا ۇسىنىس بولعان. ويلاندىم. ءيا، قولدايمىن. ءبىراق ءبىر ماقالا جازارمىن، جاقسى، تاعى بىرەۋىن جازايىن. ودان سوڭ نە ايتام؟ پسيەۆدونيممەن جازا المايمىن. ءسويتىپ، باس تارتتىم. بۇل «اقشا العان با؟» دەگەن ماسەلەگە.

ايتپاقشى، وسىنى جازۋعا تۇرتكى بولعان مىنا سۇحبات ەدى. اركاديي دۋبنوۆ دەگەن مىقتى پۋبليسيست، ورتالىق ازيا بويىنشا اۆتوريتەت مامان، وعان جەتكىزگەن – وبەكتيۆتىلىگى. «دوجد» - ليبەرال-دەموكراتتاردىڭ ارناسى. ءبىراق مامان دا، جۋرناليست تە نازاربايەۆتى مويىنداپ، ءتىپتى ريزا بوپ وتىر. مىسالى، بىلاي دەيدى.

نازاربايەۆ شىنىمەن دە دانا ساياساتكەر. باتىس ليدەرلەرى ءقازىر لۋكاشەنكو مەن پۋتينگە قاراعاندا، نازاربايەۆتى سىيلايدى. ءبىراق ول بۇرىن دا باتىستى بەدەلدى بولاتىن. مۇنى پرەزيدەنت سايلاۋى ەمەس، رەفەرەندۋم دەۋگە بولادى. ويتكەنى، نازاربايەۆتىڭ بەدەلى تىم جوعارى. ونىڭ باسەكەلەسۋ مۇمكىن ەمەس. باتىس نازاربايەۆتىڭ قايتا سايلانعانىن قالايدى. ويتكەنى، وعان قازاقستاننان كەرەگى – تۇراقتىلىق، تۇراقتىلىق جانە تۇراقتىلىق.

قازاقستان بۇگىندە پوستكەڭەستىكتى ۇستاپ تۇرعان مەملەكەت. قازاقستان پوستكەڭەستىك كەڭىستىكتەگى دامۋ پوتەنسيالى ەڭ كۇشتى مىقتى مەملەكەت بولىپ وتىر. ول جاستاردى باتىستا مەملەكەت اقشاسىنا وقىتتى، سونىڭ ارقاسىندا قازاقستاندا ءبىلىمدى ەليتا پايدا بولدى. ءبىزدىڭ دەپۋتاتتار ورىس ءتىلى تۇرعاندا اعىلشىن ءتىلى نە كەرەك دەپ جاتسا، نازاربايەۆ اعىلشىن ءتىلىن ءبىرىنشى سىنىپتان وقىتۋ كەرەۋ دەيدى. مۇنى دا قازاقستان بيلىگىنىڭ پليۋس جاعى دەۋگە بولا ما؟ ءيا. بۇل رەسەيدىڭ مودەرننەن ارحايكاعا، ال تاريحي تۇرعىدا ازيالىق ەل قازاقستان ارحايكادان مودەرنگە كەتىپ بارا جاتقانىن كورسەتەدى».

وسىنداي سوزدەردى ەستىگەندە ريزا بوپ قالاسىڭ. ونىڭ ماقتاۋىن كەلتىرەمىز دەپ قۇر ءسوز كوپىرتۋمەن جۇرگەندەردى ايتام. اقىرى ماقتاعان سوڭ دۋبنوۆ ەكەۋمىز سياقتى ماقتاماي ما، ءيا؟

"جاقسى"