14 ناۋرىز، Qamshy.kz  -27 جاستاعى قازاقستاندىق قىزدى ءۇندىستاننىڭ دەلي قالاسىنداعى قوناق ۇيلەردىڭ بىرىندە بەيتانىس 3 ەر ازامات زورلاپ كەتكەن. بۇل تۋرالى Qamshy.kz  پورتالى The indian express.com اگەنتتىگىنە سىلتەمە جاساي وتىرىپ حابارلايدى.

ناۋرىزدىڭ 12ء-ى كۇنى تۇنگى ۋاقىتتا ءۇندىستان استاناسى دەلي قالاسىنداعى دەلي كارول باگ قوناق ۇيىنە ورنالاسقان قازاقستاننان بارعان  قىزدى بەيتانىس  3 ءۇندىس ازاماتى زورلاپ كەتكەن.

ءقازىر دەلي قالاسى پوليسياسى قازاقستاندىق جابىرلەنۋشىنىڭ ارىزىندا كورسەتىلگەن كۇدىكتى 3 بىردەي ەر ازاماتتى قاماۋعا العان. اتالمىش قىلمىستىق ءىس بويىنشا  تەرگەۋ جۇرگىزىلۋدە.

ال جابىرلەنۋشى ءوزىنىڭ مالىمدەمەسىندە كورسەتىلگەندەي ول  بەيسەنبى  ناۋرىزدىڭ 12ء-ى كۇنى دەلي قالاسىنداعى دەلي كارول باگ قوناق ۇيىنە ورنالاسقانىن ايتقان. ال  قوناق ۇيدەگى كەشكى اس بارىسىندا كەشكى  ساعات 22:00 شاماسىندا ول  ءوزىن زورلاعان ەكى ازاماتپەن تانىسقان. جىگىتتەر كومەسكى ويلارىن جۇزەگە اسىرۋ ءۇشىن ايلاعا باسىپ، قىزدى سول قوناق ءۇيدىڭ باسقا بولمەسىندە ورنالاسقان ارىپتەسىنىكىنە شاقىرادى. الايدا، كەشكى استان سوڭ، ءبارى-وز جوندەرىنە تارقاسقان.

 جابىرلەنۋشى پوليسياعا بەرگەن جاۋابىندا ول ءۇندىستانعا جۇمىس ماسەلەسىمەن كەلگەنىن مالىمدەيدى. ول ءۇندىستانداعى ايەل ازاماتتاردىڭ ار-ۇجدانىنا ءجيى قول سۇعىلاتىنىن، جاس قىزداردىڭ قوعامدىق ورىنداردا ءجيى زورلاناتىنىنان حابارى بولعان سوڭ وزىنە جەكە تاكسي جالداعان. جابىرلەنگەن قازاقستاندىق قىز پوليسيا قىمەتكەرلەرىنە ءوزىنىڭ  قورلانۋىنا اتالمىش تاكسي جۇرگىزۋشىسىنىڭ دە قاتىسى بار ەكەنىن ايتقان.

ارادا كوپ ۋاقىت وتپەي، قوناق ءۇي قىزمەتكەرى قازاقستاندىق قىز ورنالاسقان بولمەدەن كومەك سۇراپ، ايقايلاعان داۋىستى ەستيدى. قىزمەتشى بولمەگە كىرگەندە ابدەن قالجىراعان جابىرلەنۋشىنى كورەدى. كەيىن قازاقستاندىق قىز  قوناق ءۇي قىزمەتشىسىنە الدە ءبىر 3 ەركەكتىڭ بولمەگە باسىپ كىرىپ، ءوزىن زورلاعانىن ايتقان. دەلي كارول باگ قوناق ءۇيىنىڭ قىزمەتشىلەرى دەرەۋ پوليسياعا حابارلاسىپ، قىزدى دەلي قالاسىنداعى مەملەكەتتىك اۋرۋحاناعا جەتكىزگەن. ءقازىر اتالمىش ءىس بويىنشا ءۇندىستان زاڭىنىڭ  376-بابى بويىنشا قىلمىستىق  ءىس قوزعالعان.

 نۇرزات توعجان