پروكۋراتۋرا قازاقستاننىڭ بۇرىنعى ءمينيسترى سەرىك احمەتوۆكە جەمقورلىق ماندەگى التى قىلمىس بويىنشا رەسمي تۇردە ايىپ تاقتى. بۇل تۋرالى Tengrinews.kz مەملەكەتتىك قىزمەت جانە جەمقورلىققا قارسى ءىس-قيمىل جونىندەگى دەپارتامەنتتىڭ تەرگەۋ ورگانىنا سىلتەمە جاساپ حابارلايدى.

"باقىلاۋ ورگانى قىلمىستىق ءىس بويىنشا دالەلدەردىڭ بارلىعى زاڭعا سايكەس جيناقتالعانىن جانە تەرگەۋ ارەكەتى كەزىندە، سونىمەن بىرگە، ءىس بويىنشا ماتەريالداردى جيناۋ بارىسىندا زاڭبۇزۋشىلىق جوق دەپ تاپتى. سەرىك احمەتوۆكە قىلمىستىق كودەكستىڭ ءتورت بابى بويىنشا ايىپ تاعىلىپ وتىر - اسا ءىرى كولەمدە پارا الدى، بيۋدجەت قاراجاتىنان اسا ءىرى كولەمدە اقشا جىمقىردى، قىزمەتتىك بابىن اسىرا پايدالاندى جانە كاسىپكەرلىك ىسكە زاڭسىز قاتىسۋ"، - دەدى تەرگەۋ ورگاندارىنىڭ قىزمەتكەرلەرى.

سەرىك احمەتوۆ سوتقا جىبەرىلمەيىنشە ايىپتالۋشى رەتىندە، ال ودان كەيىن سوتتالۋشى بولادى. سوتتىڭ بەكىتكەن مەرزىمى 18 ساۋىردە اياقتالادى، ودان كەيىن قىلمىستىق ءىس سوتقا جىبەرىلەدى. قازىرگى ۋاقىتتا ءۇي قاماۋىندا وتىرعان سەرىك احمەتوۆ 150 تومنان تۇراتىن قىلمىستىق ءىس ماتەريالدارىمەن تانىسىپ جاتىر. ەسكە سالا كەتەيىك، تەرگەۋدىڭ مالىمەتىنشە، قاراعاندى وبلىسى اكىمدىگىنىڭ باسشىسى مەن وبلىستىڭ بۇرىنعى اكىمى سەرىك احمەتوۆ الدىن الا ءسوز بايلاسىپ، قوسالقى مەردىگەر - "سەنترستروي-كومپلەكت نس" ج ش س چەح جابدىعىن ارزان جابدىقپەن اۋىستىرعان. جابدىقتىڭ ەكى ءتۇرىنىڭ اراسىنداعى 1 ميلليارد 200 ميلليون تەڭگە كولەمىندەگى ايىرمانى كۇدىكتىلەر ءوزارا يەمدەنگەن. تەرگەۋ مالىمەتتەرى بويىنشا، قىلمىستى جاسىرۋ ءۇشىن دەلدال فيرمالار جەلىسىن اشىپ، ولاردىڭ شوتىنا اقشانى اۋدارۋ ارقىلى بيۋدجەت قاراجاتىن جىلىستاتۋدىڭ سحەماسىن جاساعان. Tengrinews.kz