15 ناۋرىز. Qamshy.kz - ۆ.ۆ.ءپۋتيننىڭ ءبىر اپتا بويى تەلەارنالاردان جانە ساياسي جيىنداردان كورىنبەۋىنىڭ سىرىن اركىم-ار ءتۇرلى جورامالداۋدا. وسىعان وراي بۇگىن رەسەيلىك بۇقارالىق اقپارات قۇرالدارىندا رف پرەزيدەنتى ءپۋتيننىڭ "ومىرتقانىڭ قاتەرلى ىسىگەنەن" كوز جۇمعانى تۋرالى اقپارات تاراي باستادى.
مىسالى، رەسەيلىك "VLASTI.NET" سايتى "پۋتين قايتىس بولدى. بيلىككە شويگۋ، روگوزين جانە مەدۆەدوۆ تالاسۋدا" اتتا ماقالاسىندا كرەملدىڭ رەسمي سايتىندا رف پرەزيدەنتى ۆ. ءپۋتيننىڭ ومىرتقانىڭ قاتەرلى ىسىگەنەن كوز جۇمعاندىعى تۋرالى اقپارات تارالعاندىعىن جازدى. الايدا ارادا بىرنەشە ساعات وتكەننەن كەيىن اتالمىش اقپارات سايتتان جويىلعان. مۇنىڭ سەبەبىن، حالىقتى دۇرلىكتىرمەۋ دەپ تۇسىندىرگەن. ال ELISE.COM.UA باسىلىمىنىڭ ءجۋرناليستى اناتوليي گۆارد ءوزىنىڭ ماقالاسىندا ۆ. ءپۋتيننىڭ قازاسىن كرەملدەگى اسكەري توڭكەرىسپەن بايلانىستىرعان.
"ءقازىر مەملەكەت باسىنا شوگۋ ءوزىنىڭ قاراماعىنداعى اسكەريلەرىمەن كەلدى. ال حالىقتى دۇرلىكتىرمەۋ ءۇشىن كرەمل ءپۋتيننىڭ "سىڭارىن" شىعارىپ وتىر. ال ۆلاديمەر پۋتين بولسا، ەشقانداي دا اۋرۋدان ەمەس، اسكەري توڭكەرىس بارىسىندا ءوزىنىڭ سەنىمدى گەنەرالى، رف ىشكى اسكەرلەرىنىڭ باسقارۋشىسى - زولوتوۆپەن بىرگە قازا تاپقان" دەپ جازادى. سونىمەن قاتار، ءپۋتيننىڭ قازا بولعاندىعى تۋرالى اقپاراتتى رف پرەزيدەنت اكىمشىلىگى دە تەرىسكە شىعارماعان. ال "INOسمي" اقپاراتتىق اگەنتتىگى "امەريكا داۋسىنا" سىلتەمە جاساي وتىرىپ، "شويگۋ، روگوزين جانە مەدۆەدوۆ. مۇراگەرلەر تالاسى" اتتى ماقالا جاريالاعان. اتالمىش ماقالادا 2018 جىلى وتەتىن پرەزيدەنت سايلاۋىنا ءپۋتيننىڭ قاتىساتىنىن، الايدا جەڭىسكە ونىڭ شاكىرتى - شويگۋنىڭ جەتەتىنىن جازعان. ال رەسەيلىك "دوجد" ارناسىنا بەرگەن سۇحباتىندا رف پرەزيدەنتىنىڭ باسپا ءسوز حاتشىسى دميتريي پەسكوۆ ۆ.پۋتينگە قاتىستى قانداي دا ءبىر اقپارات بەرۋدەن باس تارتقان. ONPRESS.INFO. سايتى بۇگىن رەسەيدەگى ساياسي احۋالعا قاتىستى رف پرەزيدەنتىنىڭ باسپا ءسوز حاتشىسى اياق استىنان وتباسىمەن بىرگە فرانسياعا دەم الۋعا كەتكەندىگىن سىنعا العان. ال RUSJEV.NET (رۋسكيي ەۆرەي) سايتى شەشەنستان پرەزيدەنتى رامزان قاداروۆتىڭ وتباسىن الىپ يوردانيا مەملەكەتىنە دەم الۋعا كەتپەكشى ەكەنىن، ال ءپۋتيننىڭ كەڭەسشىسى ۆلاديسلاۆ سۋركوۆتىڭ جەدەل تۇردە وتباسىمەن بىرگە گونكونگ قالاسىنا اتتانىپ كەتكەنىنەن سەزىك تۋدىراتىندىعىن جازعان. اتالمىش باسىلىمدا 13 ناۋرىز كۇنى ۇلكەن كرەملدە رف تۋىنىڭ تۇسىرىلگەنىن جانە شويگۋ اسكەرلەرىمەن ەلدە مەملەكەتتىك توڭكەرىس جاساعانىن جازعان. سونداي-اق، RUSJEV.NET سايتى فسب ديرەكتورلىعىنا باستى ۇمىتكەر بولعان گەنەرال زولوتوۆتىڭ ءولىمىن ءپۋتيننىڭ جوعالىپ كەتۋىمەن بايلانىستىرعان. ال "YOU TUBE" كانالىندا رەسەيىك مەملەكەت قايراتكەرى گەيدار دجەمال "رەسەيدە مەملەكەتتىك توڭكەرىس باستالدى. ءپۋتيننىڭ قازاسى شويگۋ اسكەري توڭكەرىسىمەن تىعىز بايلانىستى" دەپ مالىمدەگەن. ال REJIMU.NET سايتى "جەدەل! رەسەيدە مەملەكەتتىك توڭكەرىس باستالدى. پۋتين جانە قادىروۆ ەلدەن شىعارىلدى" دەپ جازادى. سونداي-اق، ۋكراينالىق "LIFEINVEST.COM.UA" سايتى "قازىرگى تاڭدا رەسەيدە مەملەكەتتىك توڭكەرىس باستالدى. كرەمل ماڭىنا بورنوتەحنيكالار جەتكىزىلدى" دەپ جازادى.
ازىرگە رەسەي پرەزيدەنتىنە قاتىستى ناقتى اقپارات تارالماعان. الايدا "ماسكەۋ-كرەمل-پۋتين" سەرگەي شويگۋ اسكەرلەرىنىڭ قىسپاعىنا الىنعانى تۋرالى عانا اقپارات راستالعان. دەگەنمەن ءقازىردىڭ وزىندە بۇكىل رەسەيدە "سوعىس جاعدايى" جاريالانعان. ەگەر رەسەيدەگى مەملەكەتتىك توڭكەرىس بيلىكتى سەرگەي شويگۋنىڭ قولىنا وتكىزەتىن بولسا، الداعى ۋاقىتتاردا رف پرەزيدەنتى تاعىنا سول شويگۋ وتىرۋى ابدەن مۇمكىن.
نۇرزات توعجان
سۋرەت: elise.com.ua
