قازمۇۋدىڭ جۋرناليستيكا فاكۋلتەتىن قىزىل ديپلوممەن بىتىرگەن، جۋرناليستيكا سالاسىنىڭ مايتالمانى، مەملەكەتتىك تىلدەگى بىرنەشە جۋرنالدىڭ باس رەداكتورى جارىلقاپتى مىرزاتاي جولداسبەكوۆ مەملەكەتتىك ءتىلدى بىلمەيدى دەپ قۇلاتىپ جىبەرۋگە جۇرەگى داۋالاماس، ەگەر «جوعارى جاقتان زۆونوك بولماسا»... (وندا ەل الدىندا ماسقارا بولارى انىق). جارىلقاپ قالىبايدى 93 000 قول جيناۋدا ءسۇرىندىرۋى مۇمكىن ەكەنىن وسى ۋاقىتقا دەيىن دە ايتتىم. كەزەكتەن تىس سايتاۋ وتكىزۋدىڭ نەگىزگى ماقساتىنىڭ ءوزى قارسىلاستىڭ دايىندالۋىنا مۇمكىندىك بەرمەۋ. وسى جاعدايدى ەسكەرە وتىرىپ، بارلىق وبلىستاردا ۇلتشىل، مەملەكەتشىل ازاماتتاردى جارىلقاپ قالىبايدى قولداۋعا شاقىرامىن. «ن. نازاربايەۆتىڭ جەڭەتىنىن ءبىلىپ وتىرىپ، جارىلقاپتىڭ شىققانى نە؟» دەپ جازىپ جاتىر ءبىراز ازاماتتار. يا، بۇل سايلاۋدا دا ن. نازاربايەۆ جەڭىستى شاپپاي الۋى مۇمكىن، ءبىراق ءومىر ونىمەن توقتاپ قالمايدى. ەرتەڭ «جارىلقاپ قالىباي پرەزيدەنتتىككە كانديدات بولىپ، وسىنشا داۋىس جيناعان...» دەگەن ءسوزدىڭ ءوزى شەشۋشى ءرول اتقارۋى مۇمكىن. بۇگىنگى ساياسات قالاي بولسا دا ەرتەڭ قازاقستاننىڭ ساياسات ساحناسىنا ۇلتشىلدار مەن مەملەكەتشىلدەردىڭ كەلەتىنىنە بەك سەنىمدىمىن. سوندىقتان بۇگىننەن باستاپ ساياساتتىڭ مۇمكىن امالدارىنىڭ بارلىعىن جاساپ باعۋ ءبىز ءۇشىن اسا ماڭىزدى. سوندىقتان، قازاق ۇلتتىق كەڭەسى ءتوراعاسىنىڭ ورىنباسارى جارىلقاپ قالىبايدى قولداۋلارىڭىزدى سۇرايمىن. بۇل قازاق مەملەكەتىنىڭ ەرتەڭى ءۇشىن قوسقان ۇلەستەرىڭىز دەپ تۇسىنىڭىزدەر. (ماقسات ءىلياستىڭ فەيسبۋكتەگى پاراقشاسىنان)