كەزەكتەن تىس پرەزيدەنتتىككە ۇمىتكەرلەردى سايلاۋ اياقتالدى. الايدا 18 ناۋرىزعا دەيىن پرەزيدەنتتىككە ۇمىتكەرلەردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى كوميسسيا جۇمىس ىستەيدى.

16 ناۋرىزعا قاراعان تۇنگى ساعات 00-01-دە ورتالىق سايلاۋ كوميسسياسىنا 27 ءوتىنىش تىركەلگەنىن اتاپ وتكەن ول: "17 ناۋرىز كۇنى ءبىز قولداعى بارلىق ماتەريالدارى وڭدەيمىز دە قانشا ادامنىڭ شىعىپ قالعانىن ءمالىم ەتەمىز. قازىرگى ۋاقىتتا ءبىزدىڭ قولىمىزدا ساياسي ناۋقاننان باس تارتۋ ماتەريالدارى، ەمتيحانعا كەلمەي قالعان ۇمىتكەرلەر بار. 18 ناۋرىزعا دەيىن لينگۆيستيكالىق كوميسسيا جۇمىس ىستەيتىن بولادى. ءبىز كەستەسىن جاسادىق. ودان ارى قالاي ءوربيتىنىن كورەمىز"، - دەدى ول. ايتا كەتسەك، وسى ساتكە دەيىن 27 ازامات پرەزيدەنتتىككە ۇمىتكەر رەتىندە ۇسىنىلدى. ولاردىڭ ەكەۋىن ساياسي پارتيالار ۇسىنسا، 25ء-ى ءوزىن-وزى ۇسىنىپ وتىر. وسى 27 ادامنىڭ ىشىندە 10 ادامعا پرەزيدەنتتىككە ۇمىتكەر رەتىندە تىركەۋدەن باس تارتىلدى. ولاردىڭ ىشىندە 2 ادام جاسى 40-قا تولماۋىنا جانە 8 ادام لينگۆيستيكالىق كوميسسيا سىنىنان وتە الماۋىنا بايلانىستى تىركەلمەدى. ءۇش ۇمىتكەر لينگۆيستيكالىق كوميسسيانىڭ ەمتيحانىنا كەلمەدى جانە ءبىر ادام ءوزىنىڭ ءوتىنىشىن قايتىپ الدى. 5 ۇمىتكەر لينگۆيستيكالىق كوميسسيادان، باسقا دا تەكسەرۋلەردەن ءوتىپ، كونستيتۋسياسى مەن "سايلاۋ تۋرالى" زاڭىنا سايكەس دەپ تانىلدى. ونىڭ ىشىندە نۇرسۇلتان نازاربايەۆ كانديدات رەتىندە تىركەلدى.