16 ناۋرىز. Qamshy.kz - جاقىندا ەكس-ەلشى راحات الييەۆتىڭ اۆستريا تۇرمەسىندە قاماۋدا وتىرعان كامەراسىنىڭ فوتو-سۋرەتتەرى عالامتوردا جاريا بولدى. راحات مۇحتار ۇلى الييەۆتىڭ ادۆوكاتتارى ونىڭ سۋيسيد جاساعانىنا كۇمانمەن قارايتىتىن مالىمدەگەن. الايدا اۆستريا تاراپى الييەۆتىڭ قازا بولعان كۇنى ونىڭ بولمەسىنە بوگدە ەشكىمنىڭ كىرمەگەنىن العا تارتقان. ادۆوكاتتار مانفرەد، كلاۋس اينەدتەرى جانە وتتو ديتريح "Die Presse" باسىلىمىنا بەرگەن سۇحباتىندا "راحات الييەۆتىڭ وزىنە-وزى قول جۇمساۋى مۇمكىن ەمەس" دەگەن.
(كامەرا ەسىگىنىڭ اشىلعان جانە جابىلعان مەرزىمدەرى)
ادۆوكاتتار الييەۆتىڭ الداعى وتەتىن سوت پروسەسىنە مۇقيات دايىندالعانىن ايتادى. "الييەۆتىڭ جاتار الدىندا ميدى تىنىقتىراتىن دارىلەر قابىلداۋى - ونىڭ وزىنە-وزى قول جۇمساۋىنا يتەرمەلەدى دەگەن تۇجىرىم قيسىنعا كەلمەيدى"،-دەيدى اينەدتەرى.
(ۆەنا اباقتىسىنداعى الييەۆتىڭ كامەراسى)
(جۋىناتىن بولمەسى)
"الييەۆتىڭ توسىن قازاسىن ءوزىن-وزى ءولتىرۋ فاكتىسىمەن بۇركەمەلەۋ شىندىققا جاناسپايدى. راحات ەشقاشان ونداي قادامعا بارماس ەدى. ونىڭ ەكى بىردەي ۇلى قالدى ارتىندا. ول بالالارىن قاتتى جاقسى كورەتىن"،-دەيدى راحاتتىڭ جەسىرى. ال ۆەنا تۇرمەسىنىڭ ۆيدەو-باقىلاۋ قۇرىلعىلارى راحات الييەۆ قازا بولاتىن ءتۇنى ونىڭ كامەراسىنا بوگدە ەشكىمنىڭ كىرمەگەنىن كورسەتكەن. سونداي-اق، اباقتى ەسىگىندە ارنايى بەلگى بەرەتىن قۇرىلعىلار ورناتىلعان. اتالمىش قۇرىلعىلار كامەرا ەسىگى اشىلعانداج جانە جابىلعاندا بەلگى بەرەتىن.
"Wien.orf.at" سايتى راحات الييەۆتىڭ كامەراسىنا 14 ساعات بويى ەشكىمنىڭ كەلمەگەنىن جازادى.
(كامەرا جوسپارى)
ءومىرىنىڭ سوڭعى ساتتەرىندە راحات الييەۆ ۆەنا تۇرمەسىنىڭ ەم قابىلداۋ بولمەسىندە جاتقان. بقلمەدە ءۇش بىردەي توسەك، تەلەديدار جانە بىرنەشە ۇستەل ورنالاسقان. ال الدىن الا تىركەلگەن فاكتىلەرگە سايكەس، كەشكى 17:19 بەن تاڭعى 07:26 ارالىعىندا وزىنە-وزى قول جۇمساۋى مۇمكىن دەلىنگەن. سول ءتۇنى الييەۆتىڭ كامەراسىن 3 قىزمەتكەر كۇزەتىپ تۇرعان. الييەۆتىڭ جاتقان بقلمەسىندە بەينە-باقىلاۋ قۇرىلعىلارى بولماعان. ال بولمە سىرتىنداعى باقىلاۋ قۇرىلعىلارىندا 14 ساعات بويى الييەۆتىڭ كامەراسىنا ەشكىم جاقىنداماعانىن كورسەتكەن.
(ەسىك جانە بەينە-باقىلاۋ قۇرىلعىسى)
(بەينە-باقىلاۋ قۇرىلعىسىنىڭ جالپى كورىنىسى)
(تۇرمە ءدالىزى)
ەسكە سالا كەتەيىك، 24 اقپان كۇنى ەكس-ەلشى راحات الييەۆتىڭ اۆستريا تۇرمەسىندەگى ءوزىنىڭ كامەراسىندا ءولى دەنەسى تابىلعان. ەكس-ديپلومات تەرگەۋ يزولياتورىندا 2014 جىلدان بەرى قاماۋعا الىنعان بولاتىن.
نۇرزات توعجان
