پرەزيدەنتتىككە ءوزىن-وزى ۇسىنعان "جۇلدىزدار وتباسى" جۋرنالىنىڭ رەداكتورى جارىلقاپ قالىباي سىناق تاپسىرىپ، ونى ءساتتى اياقتاپ شىقتى.

"جارىلقاپ قالىباي سەيدلاۇلىمەن ەمتيحاندى اياقتادىق. جازبا جۇمىسىنىڭ تاقىرىبى - "وتتى جىلدار تاعىلىمى". جۇمىس وتە ساۋاتتى جازىلعان. تاقىرىپتى اشتى، جۇمىسىندا قاتە جوق. ءبارىمىز ريزا بولىپ وتىرمىز"، - دەدى ۇمىتكەردىڭ ەمتيحان قورىتىندىسىمەن تانىستىرعان كوميسسيا ءتوراعاسى مىرزاتاي جولداسبەكوۆ. كوميسسيا ءتوراعاسىنىڭ ايتۋىنشا، ۇمىتكەر ەكىنشى كەزەڭدە باۋىرجان مومىش ۇلىنىڭ پروزاسىنان ءماتىندى دە مانەرلەپ، ناقىشىنا كەلتىرە وقىعان. "ءۇشىنشى تاقىرىپ - "مادەني مۇرا - بايتاق قازىنا". بۇل دا كوكەيگە قونىمدى جاقسى اڭگىمە بولدى. ەمتيحانعا كەلگەن ازاماتتاردان اۋەلى ەلباسى ودان كەيىن جارىلقاپ سياقتىلار بولسا، دەپ اڭگىمە ەتتىك. لينگۆيستكالىق كوميسسيانىڭ قورىتىندىسى - جارىلقاپ قالىباي سەيدلا ۇلى قازاق ءتىلىن ەركىن مەڭگەرگەن"، - دەگەن ول ۇمىتكەرگە الداعى ۋاقىتتا ساتتىلىك تىلەدى.