بۇگىن الماتى اكىمى احمەتجان ەسىموۆ مەتروپوليتەننىڭ ەكىنشى كەزەڭى ماسكەۋ جانە سايران ستانسالارىنىڭ پايدالانۋعا بەرىلۋگە ازىرلىگىن تەكسەردى. ەكولوگيالىق تۇرعىدان تازا كولىك سانالاتىن جەراستى جۇردەك پويىزدارى وتكەن جىلى 20 ملن ادامدى تاسىمالدادى. ەڭ العاش اشىلعان ۋاقىتتا مەترومەن تاۋلىگىنە 13-14 مىڭ ادام قاتىنايتىن بولسا، ءقازىر مەترو قىزمەتىن تاۋلىگىنە 24 مىڭ ادام پايدالانادى. الماتى مەتروسىنىڭ ۇزىندىعى 8،56 شاقىرىمدى قۇرايدى. جاڭا ستانسالاردىڭ قوسىلۋىمەن جەراستى جولىنىڭ ۇزىندىعى 2،74 شاقىرىمعا ۇزارادى. اباي كوشەسىنىڭ بويىندا برۋسيلوۆسكيي مەن تىلەندييەۆ كوشەسىنىڭ ارالىعىندا ورنالاسقان سايران ستانساسى 18 مەتر تەرەڭدىكتە ورنالاسقان. ماسكەۋ ستانساسى وتەگەن باتىر مەن التىنسارين كوشەلەرىمەن ارالىعىندا ورنالاسقان. ءار ستانسادا 2 ليفت پەن 8 ەسكالاتور جۇمىس ىستەيتىن بولادى. اباي كوشەسىمەن قوزعالىستى باتىس باعىتتا سوزۋ ءۇشىن بولاشاقتا سارىارقا ستانساسىن قوسۋ جوسپارلانعان. "قازينفورم"