ءۇندىستاندا زورلانعان  قازاق كەلىنشەگىنە قاتىستى جاڭا دەرەك شىقتى. 27 جاستاعى جەرلەسىمىز ول جاققا ىس-ساپارمەن بارعان ەكەن.

دەلي قالاسىنداعى قوناق ءۇيدىڭ بىرىنە جايعاسقان سوڭ، كەشكى اسىن ىشپەك بولىپتى. سول كەزدە قاسىنا ءۇندىنىڭ ەكى جىگىتى كەلىپ، وتانداسىمىزدى ماڭىزدى ءىستى تالقىلاۋعا باسقا قوناق ۇيگە شاقىرعان. كەيىن كەلىسىمىن بەرگەن كەلىنشەكتى ەرتىپ اكەتكەن جىگىتتەر سوندا ارام ويلارىن ىسكە اسىرادى. شارۋاسىن تىندىرعان سوڭ قاسكويلەر قاشىپ كەتكەنىمەن الىسقا ۇزاي الماي قولعا ءتۇستى. ءقازىر ءۇندىستاننىڭ بارلىق باسىلىمى وسى تۋرالى جارىسا جازۋدا. ءتىپتى قاسكويلەردىڭ قازاقستان ازاماتشاسىمەن تانىس ەكەنىن حابارلاۋدا. ۇسىنىسقا كەلىسە كەتكەنىنە قاراعاندا، كەلىنشەك قاسكويلەرمەن سول كۇنى كوشەدە تانىسقان بولۋى دا مۇمكىن. ال بۇل وقيعانى ەلىمىزدىڭ سىرتقى ىستەر مينيسترلىگى دە باقىلاۋعا العان. نەگىزى ەل كەزىپ قىدىراتىن ايەلدەر ءۇشىن ءۇندىستان ەڭ ءقاۋىپتى جەر. سەبەبى، مۇندا ءاربىر 20 مينۋت سايىن ايەل زورلانادى. ال ءجابىر كورگەندەردىڭ باسىم بولىگى تۋريستەر. ونىڭ ۇستىنە 3 جىل بۇرىن 23 جاستاعى ستۋدەنتىمىز دە ءۇندىستاندا زورلانعان بولاتىن.