ءقازىر ءتىل ۇيرەنەمىن دەگەن ادامعا مۇمكىندىك كوپ. قالادا قاپتاعان كۋرستار، ينتەرنەتتە ءتۇرلى سايتتار مەن ۆيدەولار بار. اسىرەسە، اعىلشىن ءتىلىن جەتىلدىرۋگە ارنالعان پايدالى ءارى تەگىن ونلاين كۋرستار مەن سايتتار بارشىلىق. سونىڭ بىرنەشەۋىن نازارلارىڭىزعا ۇسىنۋدى ءجون كوردىم.
- https://writeandimprove.com/. بۇل - اعىلشىن تىلىندە قاتەسىز جازۋدى ۇيرەتەتىن جانە اعىلشىن گرامماتيكاسىن تەرەڭ تۇسىنۋگە تاپتىرمايتىن سايت. سەبەبى قاتەلىكتى كوزگە شۇقىپ كورسەتىپ بەرەدى. ونىڭ دۇرىس نۇسقاسىن ۇسىنادى. سونىمەن قاتار جازعانىڭىزعا قاراي اعىلشىن تىلىندە جازۋ قابىلەتىڭىز قانداي دەڭگەيدە ەكەنىن كورسەتەدى.
- Http://www.bbc.co.uk/learningenglish/. بۇل سايت سوزدىك قورىڭىزدى تولىقتىرۋعا تاماشا مۇمكىندىك بەرەدى. ارنايى جاڭا سوزدەردى ءماتىن نەمەسە ۆيدەو ارقىلى ۇيرەتەدى. ونىڭ دىبىستالۋىن جانە قالاي قولدانۋ كەرەگىن تۇسىندىرەدى. بۇعان قوسا، اعىلشىن تىلىندەگى سويلەمدەردى تىڭداپ جانە ونى ءتۇسىنۋ قابىلەتىڭىزدى جەتىلدىرۋ ءۇشىن اۋديو، ۆيدەو دارىستەر بار.
- https://dictionary.cambridge.org/dictionary/english-russian/. اعىلشىنشا سوزدەردى ساپالى ءارى ناقتى اۋدارىپ بەرەدى. اعىلشىن ءتىلىنىڭ وقىتۋشىلارى اۋدارما ءۇشىن ءدال وسى سايتتى قولدانۋعا كەڭەس بەرەدى. سەبەبى ينتەرنەت كەڭىستىگىندە اۋدارماعا ارنالعان سايتتار مەن قوسىمشالار بارشىلىق، الايدا ساپالىسى از.
- http://ww3.idoceonline.com/. بۇل سايتتا دا وزىڭىزگە بەيتانىس ءسوزدىڭ ماعىناسىن ىزدەپ كورە الاسىز. ونىڭ ارتىقشىلىعى - كەز كەلگەن ءسوزدى ىزدەسەڭىز، ونى قالاي ەتىستىككە نەمەسە زات ەسىمگە اينالدىرۋعا بولاتىنىن كورسەتەدى. ءبىر ءسوزدى ءتۇرلى نۇسقادا ۇسىنادى.
- https://www.newsinlevels.com/. ءوزىڭىزدى قىزىقتىراتىن تاقىرىپتى تاڭداپ، سوعان قاتىستى ءماتىندى وقي وتىرىپ، جاڭا سوزدەردى ۇيرەنەسىز. ءماتىندى ءتىلدى ءبىلۋ دەڭگەيىڭىزگە قاراي تاڭداي الاسىز. سوزدەرگە اعىلشىن تىلىندە تۇسىندىرمە بەرەدى. بۇل ءتىلدى جاقسى مەڭگەرۋگە جانە جاڭا سوزدەردى ۇيرەنۋگە ىڭعايلى.
- https://listen-and-write.com/. اعىلشىن تىلىندە ۆيدەو دارىستەردى كورىپ، ونى سايتتا تىكەلەي جازىپ وتىرا الاسىز. جازباڭىزدا قاتە كەتسە بىردەن ەسكەرتىپ وتىرادى.
- https://www.bbc.com/news، https://www.aljazeera.com/، https://www.youtube.com/user/TEDxTalks. اعىلشىن ءتىلىنىڭ وقىتۋشىلارى ءتىلدى جەتىك مەڭگەرۋ ءۇشىن اپتاسىنا ءۇش كۇن كۋرسقا بارۋدان بولەك سول تىلدە كۇندەلىكتى ۆيدەو كورىپ، اۋديو تىڭداۋعا، قىسقا بولسا دا ءوزىڭىزدى قىزىقتىراتىن تاقىرىپتا ماقالا وقۋعا كەڭەس بەرەدى. وعان جوعارىدا كورسەتىلگەن سايتتار كومەكتەسە الادى. كۇندەلىكتى 15-20 مينۋتىڭىزدى قيىپ جاڭالىقتاردى اعىلشىن تىلىندە تىڭداساڭىز ناتيجەسى كوپ كۇتتىرمەيدى.
- https://learnenglish.britishcouncil.org/en/skills. بۇل سايتتا تاقىرىپتاردى سۇرىپتاپ، وعان قاتىستى سوزدەردى جيناقتاعان. بۇگىن ساياحاتقا قاتىستى سوزدەردى مەڭگەرسەڭىز، كەلەسى ۆيدەودان بالا، وتباسىعا قاتىستى سوزدەردى بىلەسىز.
- https://www.futurelearn.com/. بۇل سايتتا تەگىن ونلاين كۋرس وقي الاسىز. بۇل كۋرس اسىرەسە وقىتۋشىلارعا پايدالى.
- http://ww1.howsjay.com/ سايتىندا گرامماتيكاعا باسىمدىق بەرەدى. كاسىبي اعىلشىن ءتىلى، جالپى اعىلشىن ءتىلى دەپ سۇرىپتالعان. سونىمەن قاتار ەمتيحانعا دا ونلاين دايىندالۋعا بولادى. ونىڭ ىشىندە IELTS-قا قاجەتتى ماتەريالمەن تانىسا الاسىز.
- http://www.manythings.org. بۇل سايتتا وقۋ، تىڭداۋ، سوزدىك قوردى تولىقتىرۋ بويىنشا كۋرستار بولەك بەرىلگەن. اسىرەسە كىشكەنتاي بالالارعا ءتىل ۇيرەتۋگە ىڭعايلى. سەبەبى ىشىندە ويىن تۇرىندە جاڭا سوزدەردى ۇيرەتەدى. كۋرستىڭ قورىتىندىلايتىن ويىندار بار. ول ميعا دا قونىمدى ءارى قىزىقتى.
- http://a4esl.org/ سايتىندا گرامماتيكانى مەڭگەرىپ، جاڭا سوزدەرمەن تانىسا الاسىز. اعىلشىن ءتىلىن ەندى وقىپ جۇرگەندەرگە دە ىڭعايلى. سەبەبى گرامماتيكا مەن سوزدەر وڭاي، قيىن جانە وتە قيىن دەڭگەيلەرى بويىنشا سۇرىپتالعان.
