التاي قالاسىندا تۇراتىن ارشىن نامازبەك ۇلى بيىل 28 جاستا. ول 7 جىل ىشىندە ءتۇرلى مۋلتفيلم وبرازدارىنان 3157ء-سىن جوبالاپ جانە سىزىپ، ەڭ كوپ مۋلتفيلم وبرازىن (ادام، جانۋار، عاجايىپ ماقۇلىق)  جاساعان ادام رەتىندە گيننەس رەكوردتار كىتابىنا ەندى.

تومەندە قىتايلىق «سوڭعى ءبىر شاقىرىم» سايتىنىڭ تىلشىسىنە بەرگەن قىسقا سۇحباتىن ۇسىنىمىز: – كۋالىكتى العان كەزدە توسىن سەزىلمەدى مە؟ – جوق، توسىن سەزىلمەدى، ويتكەنى وزىمدە وسى ماقتاسقا ءسوزسىز جەتەم دەگەن ىشتەي سەنىم بار ەدى. ءقازىر دە جالعاستى ۇيرەنىپ شىعارماشىلىقپەن شۇعىلدانىپ جاتىرمىن، كەلەشەكتە بۇدان دا ساپالى وبرازدار جاراتسام دەيمىن. – ءسىز التايدا شىعارماشىلىقپەن اينالىسىپ جاتىرسىز، بولاشاقتا بۇدان دا ۇلكەن قالالارعا بارىپ اينالىسۋ ويىڭىزدا جوق پا؟ – قازىرگى عالامتور تەحنولوگياسى ۇيدەن شىقپاي اق كوپتەپ شارۋالار تىندىرۋعا مۇمكىندىك بەرەدى، ازىرگە ەشقايدا كەتۋ ويىمدا جوق. – بولاشاقتاعى وبرازدارىڭىزدا شين زياڭنىڭ وزىندىك ەرەكشەلىكتەرى دە كورىنىس تابا ما؟ – شين زياڭ وتە كورىكتى مەكەن، تۋعان قالام التاي دا الەمگە ايگىلى ساياحات ورنى، كەلەشەكتەگى جۇمىستارىمدا ءسوزسىز شين زياڭنىڭ وزىندىك ەرەكشەلىكتەرى كورىنىس تاباتىن بولادى. جۇمىستارىمدى باعالاعان ۋ حۋا جياڭ مىرزا بىلاي دەگەن ەدى: ارشىننىڭ وبرازدارى بىرىنشىدەن سانى جاعىنان كوپ، ەكىنشىدەن وتە ادەمى، ۇشىنشىدەن وبرازدارى انىق جانە وتە اكتۋالدى. ەندى ارشىن جاساعان وبرازداردىڭ ءبىرازىن تاماشالاپ كورەيىك: serjan.kz