الماتىنىڭ قاق ورتاسىندا اتىس بولدى. كولىگىن اۆتوتۇراققا قويعان جۇرگىزۋشى 50 تەڭگە تولەگىسى كەلمەي، اقى سۇراعان قىزمەتكەردى تراۆماتيكالىق تاپانشامەن اتقان دەپ حابارلايدى كتك.

  http://www.youtube.com/watch؟v=_V4XAE7Ga6E سالدارىنان 20 جاسار جىگىت اياعىنان جارالانىپ، اۋرۋحاناعا ءتۇستى. ءقازىر پوليسيا بۇل وقيعاعا قاتىستى تەرگەۋ ءىسىن باستاپ كەتتى. اۆتوتۇراق قىزمەتكەرىن اتىپ سالعاننان كەيىن جۇرت ونىڭ تاپانشاسىن تارتىپ الماق بولعان. الايدا "مەن ەشكىمنەن قورىقپايمىن" دەپ قيعىلىق سالعان جىگىت اياعىندا قاشا جونەلدى. سول كۇيى ساۋدا ءۇيىنىڭ ىشىنە كىرىپ، وندا دا بىرنەشە رەت وق اتقان. "وسى جەردە دجيپپەن كەپ سىرتتان اتقان عوي. وسى جەردە ۇستادىق. سوندا دا اتىپ، سۋم-نىڭ ىشىنە كىرىپ كەتتى. تاپانشاسىن الماقشى بولدىق. جاس بالانى 50 تەڭگەگە بولا اتىپ تاستادى. ءوزى ازەر جۇرگەن بالالار"، - دەيدى ەرلان ەسىمدى كۋاگەرلەردىڭ ءبىرى. وسى وقيعادان سوڭ پوليسيا باسبۇزاردى ءىزىن سۋىتپاي قولعا تۇسىرگەن. كۇدىكتى قاسكەلەڭ قالاسىنىڭ 28 جاستاعى تۇرعىنى ەكەن. "سول جاقتا تۇراقتى قىزمەتشى بولىپ جۇمىس ىستەيتىن ازاماتقا وق جاۋدىرعان. ناتيجەسىندە ول جابىرلەنۋشى اياعىنان وق جاراقاتىن الدى. قىلمىستىق ءىس قوزعالىپ، سەزىكتىگە زاڭمەن كوزدەلگەن ءتيىستى شارالار قابىلداندى. دالىرەك ايتساق، وعان ايىپ تاعىلدى"، - دەيدى الماتى قالاسى ءىىد باسپا ءسوز حاتشىسى سالتانات ازىربەك. ءقازىر جارالانعان جىگىتتىڭ دەنساۋلىعى وڭالىپ، اۋرۋحانادان شىعىپ تا ۇلگەردى. ال تاپا-تال تۇستە قالىڭ جۇرتقا قارۋ كەزەنگەن جىگىتتىڭ جاعدايى قيىن بولايىن دەپ تۇر. ول كىنالى دەپ تابىلسا، 7 جىلعا دەيىن باس بوستاندىعىنان ايىرىلۋى مۇمكىن.