الماتى وبلىسىنىڭ تەكەلى قالاسىندا پوليسەيلەرگە بالاعات ءسوز ايتقان ايەل جازاعا تارتىلمايتىن بولدى.

وسىدان بىرنەشە كۇن بۇرىن الەۋمەتتىك جەلىلەردە تەكەلى كوشەلەرىنىڭ بىرىندە تۇسىرىلگەن بەينەروليك قىزۋ تالقىلاندى. وندا كولىك جۇرگىزگەن ايەلدىڭ جول ساقشىلارىن بالاعاتتاپ، زاڭ قىزمەتكەرلەرىنە باعىنباعانىن انىق كورۋگە بولادى. بۇل فاكت بويىنشا كەيىن قىلمىستىق ءىس قوزعالىپ، تەكەلى سوتى كۇدىكتى ايەلدى ايىپتى دەپ تاپتى. دەگەنمەن، جۇرگىزۋشى ايەل قىلمىستىق جاۋاپكەرشىلىككە تارتىلمايتىن بولدى. سوت پروسەسى بارىسىندا يۋليا كۋچينا ءتارتىپ ساقشىلارىنان كەشىرىم سۇراپ، جول ەرەجەسىن بۇزعاندىعى ءۇشىن ايىپپۇلىن تولەگەن. سونداي-اق، ونىڭ قاراۋىندا كامەلەت جاسىنا تولماعان بالانى بار ەكەندىگى دە ەسكەرىلىپ وتىر. وسى جايتتارعا بايلانىستى سوت كۋچينانىڭ ۇستىنەن قوزعالعان قىلمىستىق ءىستى توقتاتتى" دەيدى الماتى وبلىستىق ءىىد باسپا ءسوز حاتشىسى دارىن ارىستانبەكوۆ. ەسكە سالا كەتسەك، قوعامدا پىكىرتالاس تۋدىرعان داۋلى ۆيدەو 7 ناۋرىز كۇنى ينتەرنەت جەلىسىندە پايدا بولعان ەدى.