18 ناۋرىز. Qamshy.kz - ەكى ايدان سوڭ "جەڭىس كۇنى" مەرەكەسى.  وسىعان وراي ءبىز پورتالىمىزدا "ءسىزدىڭ ۇلى وتانىڭىز قايسى؟" اتتى ساۋالناما جۇرگىزگەن بولاتىنبىز. ساۋالناما ءبىر اي بويى جالعاسىپ، وعان 1000-عا جۋىق ادام قاتىستى. داۋىس بەرۋشىلەردىڭ 96 پايىزى، ياعني، 1000 ادام ۇلى وتانىم "قازاقستان رەسپۋبليكاسى(قازاق ەلى)" دەپ جاۋاپ بەرسە، ساۋالنامانىڭ "تويعان جەرىم" دەگەن نۇسقاسى 20 ادامنىڭ داۋىسىمەن 2 پايىزدى قۇراعان. ال ساۋالناماعا قاتىسۋشىلاردىڭ 1 پايىزى (13 ادام) "قازاق سوۆەت سوسياليستىك رەسپۋبليكاسى" دەگەن نۇسقانى تاڭداسا، 8 ادام "ەۋرازيالىق ەكونوميكالىق وداقتى" تاڭداعان.

Cاۋالناماعا ءبىر كومپيۋتەر ارقىلى(IP مەكەن-جايى) تەك ءبىر عانا ادام داۋىس بەرە الادى. وسىعان دەيىن قازاقستاندىق بۇقارالىق اقپارات قۇرالدارىندا "ۇلى وتان" اتاۋىنا قاتىستى ۇلت زيالىلارى، قالامگەرلەر مەن قوعام قايراتكەرلەرى اراسىندا ءتۇرلى تالاس-تارتىس وربىگەن بولاتىن. جەڭىس كۇنى قارساڭىندا "قامشى" پورتالى جۇرگىزگەن ساۋالناما قورىتىندىسى كورسەتكەندەي قازاقستاندىقتاردىڭ 96 پايىزى وزدەرىنىڭ ۇلى وتاندارىن تاۋەلسىز قازاقاستان رەسپۋبليكاسى دەپ تانىعان. ساۋالناماعا قاتىسىپ، داۋىس بەرگەن 1000 ادامنىڭ ءۇنى ءبىر جەردەن شىققانىنىڭ ءوزى تاۋەلسىز ۇرپاقتىڭ ساناسى كەلمەسكە كەتكەن "سوۆەت وداعىن" قابىلدامايتىنىن كورسەتەدى. ەندەشە، كەشەگى قىلىشىنان قان تامعان قىزىل يمپەريا قۇرساۋىنداعى قازاقتىڭ قانىن سۋشا اعىزعان ستاليننىڭ اۋىزىنان شىققان بۇل ءسوزدى(ۇلى وتان) الاش بالاسى نەگە سونشا قۇداي سوزىندەي كورەدى؟ ءىى دۇنيەجۇزىلىك سوعىس الەم حالقىن قامتىعانىن، سول سوعىستا قۇرامىندا قازاقستان بار كەڭەس وداعىنىڭ جەڭىسكە جەتكەنىن ەشكىم جوققا شىعارا المايدى. الايدا بۇگىنگى تاۋەلسىز ەلدىڭ ۇرپاعىنىڭ ءوز «ۇلى وتانى» بار ەمەس پە؟! ول - قازاق ەلى. الدە ەسىمىزدى ەكەۋ، ءتۇسىمىزدى تورتەۋ قىلعان قۇلدىقتىڭ قامىتىن ءالى كۇنگە شەشكىمىز كەلمەي مە؟ ەستەرىڭىزدە بولسا، ءىى دۇنيەجۇزىلىك سوعىستىڭ 60 جىلدىعى قارساڭىندا رەسەي «تاۋەلسiز مەملەكەتتەر دوستاستىعى ءۇشiن بارلىعىمىز بiر كiسiدەي مەرەكەنi اتاپ وتەيiك!» دەگەندە، بالتىق ەلدەرى نە دەدى؟ «ۇلى وتاندارىڭنىڭ» جەڭىسىن تويلاي بەرىڭدەر، «ءبىزدىڭ ۇلى وتان باسقا» دەدى دە قولىن ءبىراق سىلتەگەن. ولگەن-تىرىلگەنىنە قارماي، «وتان، وتان» دەپ جۇرگەن سول باياعى ءبىزدىڭ ەل! تاۋەلسىز قازاقستاننىڭ كوك تۋىنىڭ استىندا «ۇلى وتان سوعىسى» دەپ ۇرانداۋعا ءتيىسپىز بە؟ سان عاسىرلىق تاۋەلسىزدىك كۇرەسى «ۇلى وتان سوعىسىنان» كەم بە؟ ۇلت باتىرى كەنەسارىنىڭ باسىن ۇستاپ وتىرعان سول «ۇلى وتان» ەمەس پە؟ ءيا، ءىى دۇنيەجۇزىلىك سوعىسقا قاتىسقان قارتتارىمىز بار. ولارعا پاتەر بەرسىن، كولىكتە تەگىن جۇرگىزسىن... كونەنىڭ كوزىنە قانداي سىي جاساسادا ەشكىمنىڭ قارسىلىعى جوق. ول ءۇشىن «ۇلى وتان» دەپ ۇرپاقتى اداستىرۋدىڭ قاجەتى قانشا؟

نۇرزات توعجان