مارس بۇگىن جەرگە سوڭعى 15 جىلداعى ەڭ جاقىن قاشىقتىققا كەلەدى. NASA تاراتقان اقپاراتقا ساي، بۇگىن مارس ادەتتەگىدەن 10 ەسە ۇلكەن، يۋپيتەردەن 1،8 ەسە جارىق كورىنەدى.

جەر مەن مارس اراسى بۇل تۇندە 57،6 ميلليون كم-گە دەيىن ازايادى. ادەتتە اتالعان قاشىقتىق 80،8 ميلليون كم.

جەردىڭ جارتىسىنداي ۇلكەندىكتەگى مارس اسپاندا نۇكتەدەي-اق كورىنەتىن. بۇگىن ونى جالاڭ كوزبەن كورۋگە مۇمكىندىك تۋىپ وتىر. اۋەسقوي تەلەسكوپتارمەن مارستىڭ بەدەرىن، مۇز قالدىقتارىن دا كورۋگە بولادى. الايدا NASA مارس بەتىندەگى ۇلكەن قۇم داۋىلدار بۇعان كەدەرگى بولۋى مۇمكىن ەكەنىن دە ەسكەرتەدى.

بۇل تۇندە مارستى كورگىسى كەلەتىندەرگە NASA بىرنەشە كەڭەس بەرەدى:

كۇن باتا سالا وڭتۇستىك باتىس كوكجيەكتەن مارس كورىنەدى.

كۇن باتقان سوڭ بىرنەشە ساعاتتان كەيىن مارس انىعىراق كورىنەدى.

مارس جەرگە قانشالىقتى جاقىن بولسا دا بۇل تۇندە ەڭ جارىق پلانەتا ءبارىبىر ۆەنەرا بولادى.  دەگەنمەن مارستىڭ وزىندىك قىزىل ساۋلەسىن كوپ ۋاقىتتان بەرى العاش رەت انىق كورە الاسىز.