20 ناۋرىز. Qamshy.kz - قازاقستان رەسپۋبيلكاسىنداعى بارلىق بيلىك باسىندا وتىرعاندارعا  مەملەكەتتىك تىلدەن ەمتيحان تاپسىرۋ مىندەتتەلۋى ءتيىس، - دەپ ەسەپتەيدى بەلگىلى زاڭگەر الماس جۇماعالي.

"ق ر پرەزيدەنتتىگىنە ۇمىتكەرلەرگە مەملەكەتتىك تىلدەن سىناق تاپسىرۋ مىندەتتەلگەن. الايدا ۇكىمەت باسىنداعىلار، مينيسترلەر، گەنەرالدار  مەن پروكۋرورلار، كونستيتۋسيالىق كەڭەس مۇشەلەرى مەن قوس پالاتا سپيكەرلەرى مەملەكەتتىك تىلدەن ەمتيحان تاپسىرمايدى. بۇل ءوز كەزەگىندە مەملەكەت باسشىسىنا قوسىمشا سىناقتار جۇكتەلگەندىگىن كورسەتەدى. ال باسقا جوعارى ءمانساپتى شەنەۋنىكتەر مۇنداي سىناق تاپسىرمايدى. دەمەك، ولارعا مەملەكەتتىك تىلدەن جەڭىلدىك بەرىلگەن. ولاردان ەشكىم سىناق المايدى. ولاردىڭ مەملەكەتتىك ءتىلدى قانشالىقتى مەڭگەرگەنىن ەشكىم باقىلاپ وتىرعان جوق"،- دەيدى زاڭگەر الماس جۇماعالي.

زاڭگەردىڭ ايتۋىنشا، قازاقستاننان باسقا بىردە-بىر مەملەكەتتىڭ تاجىربيەسىندە پرەزيدەنتتىككە ۇمىتكەرلەردەن  مەملەكەتتىك تىلدەن سىناق قابىلداۋ دەگەن اتىمەن جوق ەكەن.

"مىسالى، پرەمەر-مينيستر كارىم ءماسىموۆ بىرنەشە جوو-نىڭ بىتىرگەن، عىلىم دوكتورى، اعىلشىن، جۇڭگو، اراب تىلدەرىن ەركىن مەڭگەرگەن. ءبىراق، ول جانە ول باسقارىپ وتىرعان ۇكىمەتتەگىلەر ق ر مەملەكەتتىك ءتىلى-قازاق تىلىنە كەلگەندە شورقاق. ەگەر ءبىرىنشى سىنىپتىڭ وقۋشىسى ءبىر مينۋتتا قازاق تىلىندە 60 ءسوز وقىسا، وعان تومەن باعا قويىلادى. ال بىرنەشە جوو بىتىرگەن، عىلىم دوكتورى ءبىر مينۋتتىڭ ىشىندە قازاق تىلىندە 60 ءسوزدى وقي الماسا، ونى پرەمەر-مينيستر ەتىپ تاعايىندايدى. وسى قانشالىقتى دۇرىس"،-دەيدى الماس جۇماعالي مىرزا.

شىنىمەن دە، مەملەكەتتىك تىلگە شورقاق شەندىلەردىڭ "مەملەكەتتىك ءتىل - قازاق ءتىلىن" قانشالىقتى مەڭگەرگەنىن قاداعالايتىن جاننىڭ تابىلماعانى ما؟

وسىعان دەيىن ۇلتتىق بانكتىڭ بۇرىنعى باسشىسى بولعان گ. مارچەنكو جۋرناليستەرگە "ال، نە ىستەپ الاسىڭ" دەگەندەي ەمەۋرىن تانىتىپ، "قازاق ءتىلىن ۇيرەنىپ جۇرگەن جوقپىن" دەپ دوق كورسەتكەنى ءالى كۇنگە ەستەرىڭىزدە بولار.

"SkifNews.kz" ينتەرنەت-گازەتىنە بەرگەن سۇحباتىندا زاڭگەر الماس جۇماعالي ق ر قازىرگى ءسىم ەرلان ىدىرىسوۆتىڭ دا مەملەكەتتىك ءتىلدى بىلمەيتىنىن سىنعا العان.

"قازاق ەلىنىڭ ءيميدجىن قالىپتاستىراتىن مينيسترلىكتىڭ باسشىسى ەرلان ىدىرىسوۆ "ميىمدى اۋىستىرماڭدار، قازاق ءتىلىن ۇيرەنە المايمىن" دەگەن بولاتىن. سوندا مەملەكەتتىڭ ءتىلىن مىندەتتى تۇردە ءبىلۋ اسا جوعارى مارتەبەلى قىزمەتكەرلەرگە قويىلاتىن تالاپتاردىڭ قاتارىندا جوق پا؟ سوندا ولارعا پرەزيدەنتتەن ارتىق قۇقىق بەرىلگەن بە؟"،- دەيدى الماس جۇماعالي.

نۇرزات توعجان