20 ناۋرىز. Qamshy.kz -قازاقستان رەسپۋبليكاسى قاۋىپسىزدىك قىزمەتى قازاقستان اۋماعىندا تەررورلىق ارەكەت جاساماقشى بولعان سيريا ازاماتىن قۇرىقتادى. بۇل تۋرالى "قامشى" پورتالى حابارلايدى.
"قازاقستاندا جانە ورتا ازيادا تەرروريستىك ارەكەت جاساماقشى بولعان سيريا رەسپۋبليكاسىنىڭ ازاماتتارىن قۇرىقتاۋعا قازاقستان، قىرعىزستان جانە وزبەكستان رەسپۋبليكالارىنىڭ قاۋىپسىزدىك قىزمەتى جۇمىلدىرىلعان"،- دەدى ق ر ۇقق ءتوراعاسىنىڭ ورىنباسارى نۇرعالي بىلىسبەكوۆ.
"ۇستىمىزدەگى جىلدىڭ قاڭتار ايىندا قۇرىقتالعان سيريالىق تەرروريستەر قازاقستان اۋماعىندا جارىلىستار مەن قۇقىق قورعاۋ ورگاندارىننا شابۋىلدار ۇيىمداستىرماق بولعان"،- دەدى بىلىسبەكوۆ "حالىقارالىق تەروريزممەن كۇرەس پروبلەمالارى" اتتى كونفەرەنسيا بارىسىندا.
سونداي-اق، بىلىسبەكوۆتىڭ مالىمەتىنشە شىمكەنت قالاسىندا دا وسىنداي كۇدىكپەن قىرعىزستان ازاماتى تۇتقىندالعان.
ال قىزعىزستان رەسپۋبليكاسىنىڭ قاۋىپسىزدىك قىزمەتى قىرعىز تەرريتورياسىندا ەكستريميستىك ارەكەتتەر جاساماقشى بولعان قازاقستاندىق ازاماتتى ۇقق-عا تاپسىرعان. ۇقق ءتوراعاسى ورىنباسارىنىڭ ايتۋىنشا تۇتقىندالعان ازامات سيريادا ارنايى دايىندىق شارالارىنا ءوتىپ، قازاقستان مەن قىرعىزستاندا تەررورلىق جارىلىستار جاساۋعا دايىندالىپ جاتقان.
سونداي-اق، قازاقستان، قىرعىزستان جانە وزبەكستان رەسپۋبليكالارىنىڭ قاۋىپسىزدىك قىزمەتكەرلەرى سيريا مەن تۇركيادان كەلگەن ديۆەرسيونالدى-تەرروريستتىك ۇيىم مۇشەلەرىن زالالسىزداندىرعان
نۇرزات توعجان
