وسى اپتادا مەملەكەت باسشىسى نۇرسۇلتان نازاربايەۆتىڭ جارلىقتارىمەن قازاقستاننىڭ چەح، ازەربايجان، قىرعىزستان رەسپۋبليكالارىنداعى ەلشىلەرى تاعايىندالدى.
بۇدان بولەك ەلىمىزدىڭ سوت جۇيەسىندە دە كادرلىق ءاۋىس-تۇيىس ورىن الىپ، ءبىرقاتار وڭىردە جاڭادان باسقارما باسشىلارى تاعايىندالدى.
قازاقپارات وسى اپتا ىشىندە ورىن العان كادرلىق تاعايىنداۋلارعا شولۋ جاسايدى.
سونىمەن پرەزيدەنت جارلىعىمەن سەرجان ورالباي ۇلى ابدىكارىموۆ قازاقستان رەسپۋبليكاسىنىڭ چەح رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.
سەرجان ورالباي ۇلى ابدىكارىموۆ 1976 جىلى 11 مامىردا قاراعاندى قالاسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن، سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن، حالىقارالىق قاتىناستار مامانى.
1998-1999 جىلدارى - ءسىم رەفەرەنتى، اتتاشەسى. 1999-2000 جىلدارى - قازاقستاننىڭ كورەياداعى ەلشىلىگىنىڭ اتتاشەسى. 2000-2002 جىلدارى - ديپلوماتيالىق اكادەميانىڭ تىڭداۋشىسى. 2002 جىلى - ءسىم ەكىنشى حاتشىسى. 2002-2004 جىلدارى - قازاقستاننىڭ اۆسترياداعى ەلشىلىگىنىڭ ەكىنشى حاتشىسى. 2004-2005 جىلدارى - قازاقستاننىڭ ۇلىبريتانياداعى ەلشىلىگىنىڭ ءبىرىنشى حاتشىسى.
2005 جىلى - ءسىم اقپاراتتىق-تالداۋ جۇمىستارى جانە بولجامدىق باعالاۋلار دەپارتامەنتىنىڭ ديرەكتورى. 2005-2007 جىلدارى - ءسىم ەۋروپا جانە امەريكا دەپارتامەنتىنىڭ ديرەكتورى. 2008-2009 جىلدارى - قازاقستاننىڭ بولگارياداعى ۋاقىتشا سەنىمدى وكىلى.
2009-2012 جىلدارى - ءسىم ەرەكشە تاپسىرمالار جونىندەگى ەلشىسى - ەقىۇ دەپارتامەنتىنىڭ ديرەكتورى. 2012 جىلعى اقپاننان ق ر سىرتقى ىستەر مينيسترلىگىنىڭ سىرتقى ساياسي تالداۋ جانە جوسپارلاۋ كوميتەتىنىڭ ءتوراعاسى قىزمەتىن اتقارعان.
ال بۇعان دەيىن قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن اتقارعان بەيبىت وكسىكباي ۇلى يسابايەۆ ازەربايجانعا ەلشى بولىپ كەتتى. ول 1962 جىلى 4 جەلتوقساندا الماتى وبلىسىندا بالقاش اۋدانى باقاناس اۋىلىندا دۇنيەگە كەلگەن. س.كيروۆ اتىنداعى قازاق مەملەكەتتىك ۋنيۆەرسيتەتىن، ءسىم ديپلوماتيالىق اكادەمياسىن بىتىرگەن.
1985-1987 جىلدارى - قازاق كسر تەليەۆيزييا جانە راديوحابارى مەملەكەتتىك كوميتەتىندە رەداكتور. 1987-1991 جىلدارى - "لەنينشىل جاس" رەسپۋبليكالىق گازەتىندە ءتىلشى، ءبولىم مەڭگەرۋشىسى. 1991-1994 جىلدارى - "وركەن"- "گوريزونت" گاەزتى رەداكتورىنىڭ ورىنباسارى، رەداكتورى. 1994 جىلعى ءاقپان-ساۋىر ايلارىندا - قازاق مەملەكەتتىك تەليەۆيزياسىنىڭ باس ديرەكتورى. 1994 جىلعى مامىر-شىلدە ايلارىندا - الماتى قالاسى اكىمشىلىگىندە اكىمنىڭ ورىنباسارى.
2003-2006 جىلدارى - قازاقستاننىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى. 2006-2008 جىلدارى - قازاقستاننىڭ تۇرىك رەسپۋبليكاسىنداعى توتەنشە جانە وكىلەتتى ەلشىسى، قازاقستاننىڭ البانياداعى توتەنشە جانە وكىلەتتى ەلشىسى مىندەتىن قوسا اتقارۋشى. 2008 جىلعى اقپان-تامىز ايلارىندا - مادەنيەت جانە اقپارات ۆيسە-مينيسترى. 2008-2009 جىلدارى - پرەزيدەنتتىڭ باسپا ءسوز حاتشىسى. 2009 جىلعى شىلدەدەن باستاپ قازاقستاننىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى بولعان.
"قۇرمەت" وردەنىمەن، "قازاقستان كونستيتۋسياسىنا 10 جىل"، "قازاقستان پارلامەنتىنە 10 جىل" مەدالدارىمەن، قۇرمەت گراموتاسىمەن ماراپاتتالعان.
قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالعان ايىمدوس ەرسايىن ۇلى بوزجىگىتوۆ ەلىمىزدىڭ ارمەنيا رەسپۋبليكاسىنداعى ەلشىسى قىزمەتىنەن بوساتىلدى. تەحنيكا عىلىمدارىنىڭ كانديداتى، 2ء-شى ساناتتى توتەنشە جانە وكىلەتتى ەلشى ايىمدوس بوزجىگىتوۆ كوكشەتاۋ وبلىسى ۆولودار اۋدانىندا (قازىرگى اقمولا وبلىسى) تۋعان. قاراعاندى پوليتەحنيكا ينستيتۋتىن بىتىرگەن.
1983-1992 جىلدارى - الماتى ساۋلەت-قۇرىلىس ينستيتۋتىنىڭ، قازاق پوليتەحنيكا ينستيتۋتىنىڭ اسپيرانتى، عىلىمي قىزمەتكەرى، وقىتۋشىسى، دوسەنتى، كافەدرا مەڭگەرۋشىسى.
2002-2010 جىلدارى - سىرتقى ىستەر مينيسترلىگىنىڭ الماتىداعى وكىلدىگىنىڭ باسشىسى، ارنايى تاپسىرمالار جونىندەگى ەلشىسى. 2010 جىلدىڭ ناۋرىز ايىنان باستاپ وسى ۋاقىتقا دەيىن ەلىمىزدىڭ ارمەنياداعى ەلشىسى قىزمەتىن اتقارعان. "قۇرمەت" وردەنىمەن جانە مەدالدارمەن ماراپاتتالعان.
مەملەكەت باسشىسى نۇرسۇلتان نازاربايەۆتىڭ جارلىعىمەن اباي راحمەتۋلين جوعارعى سوتتىڭ قىلمىستىق ىستەر جونىندەگى قاداعالاۋشى سوت القاسىنىڭ ءتوراعاسى بولىپ تاعايىندالدى.
ول قازاقستان رەسپۋبليكاسى جوعارعى سوتىنىڭ سۋدياسى (2004-2007 جج.)، وڭتۇستىك قازاقستان وبلىستىق سوتىنىڭ ءتوراعاسى (2007-2012 جج.) بولىپ جۇمىس ىستەدى. 2012 جىلدىڭ ناۋرىزى مەن 2015 جىلدىڭ ناۋرىزى ارالىعىندا شىعىس قازاقستان وبلىستىق سوتىنىڭ ءتوراعاسى قىزمەتىن اتقاردى. ءبىرىنشى سىنىپتى سۋديا دارەجەسىنە يە.
مەملەكەت باسشىسى نۇرسۇلتان نازاربايەۆتىڭ وكىمىمەن كۇزەمبەك ستانباي ۇلى ادەنوۆ قازاقستان رەسپۋبليكاسى "سىربار" سىرتقى بارلاۋ قىزمەتى ديرەكتورىنىڭ ورىنباسارى قىزمەتىنە تاعايىندالدى.
ءىىم بۇيىرىعىمەن كولىكتەگى ءىىد-نىڭ جاڭا باستىعى بولىپ پوليسيا پولكوۆنيگى ەرجان ساپاربەك ۇلى سادەنوۆ تاعايىندالدى. ەرجان سادەنوۆتى كولىكتەگى ءىىد-نىڭ جەكە قۇرامىنا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى مارات گان ۇلى دەمەۋوۆ تانىستىردى.
ەرجان سادەنوۆ بۇعان دەيىن شىعىس قازاقستان وبلىسىنىڭ ىىد-دە باسشىلىق قىزمەتتە ىستەگەن، سونداي-اق ماڭعىساۋ وبلىسى ءىىد باستىعىنىڭ ورىنباسارى لاۋازىمىن اتقارعان.
كەيىنگى جىلدارى ق ر ءىىم اپپاراتىندا قىزمەت ەتكەن. ماڭعىستاۋ وبلىستىق سوتىندا وبلىستىق سوتتىڭ جاڭا ءتوراعاسى جاقسىلىق رزابەك ۇلى الانوۆ تانىستىرىلدى.
وسى اپتادا شىعىس قازاقستان وبلىسى اكىمدىگىنىڭ وتىرىسىندا ءوڭىر باسشىسى دانيال احمەتوۆ ەكونوميكا جانە بيۋدجەتتىك جوسپارلاۋ ءبولىمىنىڭ جاڭا باسشىسى قۋات تۋمابايەۆتى تانىستىردى.
استانا قالاسى توتەنشە جاعدايلار دەپارتامەنتىنىڭ جاڭا باسشىسى بولىپ ورتكە قارسى قىزمەت پولكوۆنيگى بارات وسپان ۇلى دۇزاقبايەۆ تاعايىندالدى.
