الەۋمەتتىك جەلىلەردە ءقازىر «ءوزىم جايلى 20 فاكت» دەپ اتالاتىن جاڭا ەستافەتا پايدا بولدى. تالاپ بويىنشا، ەستافەتانى قابىلداعان ادام ءوزى جايلى قىزىقتى 20 دەرەك جازىپ، ءۇش ادامعا كەزەكتى بەرۋى ءتيىس. Massaget.kz قازاقستاندىق جۇلدىزدار جايلى ەڭ قىزىقتى فاكتىلەردى جيناستىردى. ءانشى اسەل ءسادۋاقاسوۆا قاراعاندى قالاسىندا تۋىلىپ، بالالىق شاعىن جەتىقارا اۋىلىندا وتكىزگەن. بولاشاق ءانشى اۋىلدا ۇيرەك باققان ەكەن. ناعىز اۋىلدىڭ بالاسى سەكىلدى 15 جىل بويى ورىستەن مالدى قايىرىپتى. ال ءانشى ليدو بولسا بالالىق شاعىندا ءوزىنىڭ ادەمى بولماعانىن ايتادى. ال سىنىبىنداعى بالالار ونىمەن ناعىز ەر بالالارشا ءوز ورتاسىنا تارتىپ، دوس قىلعان كورىنەدى. Armani ساۋدا بەلگىسىن تانىستىرعان تۇڭعىش قازاقستاندىق مودەل الەنا سۋببوتينا بولسا وزىنە قاتتى ۇقسايتىن ەگىزى بار ەكەنىن جانە ونىڭ دا داۋسى ءدال وزىنىكىندەي ەكەنىن جاسىرمادى. ونىڭ بالا كەزىندەگى قاي سۋرەتىن قاراساڭىز دا كۇلىپ تۇرعان ءبىر دە ءبىر بەينەسى جوق ەكەن. ال تانىمال تەلەجۇرگىزۋشى، پروديۋسەر اسحات سادىربايدىڭ اكەسى ميلليونەر بولعان. بالا كەزىندە ۇيىندە اقشا قاپپەن جاتادى ەكەن. تەك تاۋەلسىزدىكتىڭ العاشقى جىلدارى اكەسىنىڭ كاسىبى توقتاپ قالىپتى. ايگىلى پروديۋسەر بايان ەسەنتايەۆانى 9 رەت جۇمىستان شىعارىپ جىبەرىپتى. ال ونىنشى جۇمىسىندا ول ءوز كاسىبىمەن اينالىسۋدى ءجون كورگەن. ءانشى ءمولدىر اۋەلبەكوۆا ءتۇس كورمەي ۇيىقتاۋدى ارماندايدى. ول ءار ۇيىقتاعانىندا مىندەتتى تۇردە ءتۇس كورەتىنىن جازعان. ءانشى مەرۋەرت ءمۇسىرالى 20 كەلى سالماق تاستاپتى. ءالي وقاپوۆتىڭ بالالىق شاعى تىپتەن شىتىرمانعا تولى. ول بەس جىل بويى لاگەردە تاربيەشى بولىپ جۇمىس ىستەگەن. بۇدان باسقا، تاكسيست تە بولىپتى. ال كەيىن گۇل ساتۋشىسى بولىپ ءناپاقا تاۋىپ ءجۇرىپتى. ايتىسكەر اقىن اينۇر تۇرسىنبايەۆا اقشا جيناي المايتىنىن، اقشاعا وتە سالاق ەكەنىن جايىپ سالدى. ءبىراق ول قوناق شاقىرىپ نەمەسە وزگەلەرگە سىيلىق جاساۋدان وزىنە ءلاززات الادى ەكەن. بەلگىلى پروديۋسەر الۋا قوناروۆا بولسا ءوزى تۋرالى جامان وسەك پەن ءوزى تۋرالى ءجاي ءسوزدىڭ ءوزىن كوتەرە المايدى ەكەن. قانشا تىرىسسا دا بۇل قيىندىقتى جەڭۋدىڭ جولىن بىلمەي كەلەدى ەكەن. ءانشى باعىم مۇحيتدەنوۆا بولسا 26 كەلى سالماق تاستاي العان! ول مۇنىڭ سىرىن تۇسىندىرە دە المايدى. ءتىپتى ديەتا ۇستانباعان، سپورتپەن اينالىسپاعان، ارىقتاتاتىن ەشبىر ءدارى دە ىشپەگەن كورىنەدى. ايۋمي توبىنىڭ ءانشىسى ايدانا شاريپحانوۆا بولسا بالا كەزىندە اسكەري ادام بولۋدى ارمانداپتى. مۇنىڭ سەبەبىن ول بالالاردىڭ اراسىندا وسكەنىمەن تۇسىندىرەدى.

Massaget.kz