23 ناۋرىز. Qamshۋ.kz  - قىرعىزستان رەسپۋبليكاسى كونستيتۋسياسىنىڭ ءتىل تۋرالى تارماعىنا  ءبىرقاتار وزگەرتۋلەر ەنگىزىلۋى ءتيىس. سونىڭ ىشىندە ءبىرىنشى كەزەكتە  مەملەكەتتىك ورىندارداعى "رەسمي" ءتىلدىڭ قولدانىلۋى اياسىن  تارىلتۋ كەرەك. بۇل تۋرالى بۇگىن قىرعىز رەسپۋبليكاسى مەملەكەتتىك ءتىل جونىندەگى ۇلتتىق كوميسسيانىڭ ءتوراعاسى ەگەمبەردي ەرماتوۆ جۋرناليستەرگە بەرگەن سۇحباتىندا مالىمدەدى.

ۇلتتىق كوميسسيا ءتوراعاسى قىرعىزستان رەسپۋبليكاسىنداعى مەملەكەتتىك ورىنداردا، مينيسترلەر كابينەتى مەن ۇكىمەت ساعاتتارىندا ق ر مەملەكەتتىك ءتىلى - قىرعىز ءتىلى تاسادا قالىپ، شەندىلەردىڭ  كوبىنەسە رەسمي تىلگە جۇگىنەتىنىڭ سىنعا الا وتىرىپ، قىرعىزستانداعى قىرعىز ءتىلىنىڭ ستاتۋسىن كوتەرۋ ءۇشىن كونستيتۋسياعا وزگەرتۋ ەنگىزۋ قاجەت دەپ ەسەپتەيدى. سەبەبى، قازىرگى ق ر كونستيتۋسياسىنىڭ ءتىل تۋرالى تارماعىندا مەمورىنداردا رەسمي ءتىلدىڭ دارەجەسى مەملەكەتتىك تىلدەن جوعارى تۇرادى. وسىنى جەلەۋ ەتكەن شەندىلەر مەملەكەتتىك جيىنداردا جانە ۇكىمەت ساعاتتارىندا قىرعىز تىلىندە ەمەس، ورىس تىلىندە سويلەيدى.

"ءبىز جاقىن ارادا زاڭعا وزگەرتۋ ەنگىزبەسەك، مينيسترلىكتەر مەن مەملەكەتتىك مەكەمەلەردە مەملكەتتىك ءىس جۇرگىزۋلەر تەك رەسمي تىلدە جاسالاتىن بولادى. بۇل بىرتە-بىرتە انا ءتىلىمىز - قىرعىز ءتىلىنىڭ جويىلۋ قاۋىپىنە اكەلىپ سوقتىرادى.ءقازىردىڭ وزىندە مەملەكەتتەگى ءىس جۇرگىزۋ پروسەستەرى رەسمي تىلدە جۇرگىزىلەدى. سەبەبى، كونستيتۋسيادا سولاي جازىلعان. وعان ءبىز ەش شارا قولدانا المايمىز"،-دەيدى ەرماتوۆ.

الايدا قىرعىز رەسپۋبليكاسىنىڭ كونستيتۋسياسىنا وزگەرتۋلەر ەنگىزۋ ءۇشىن، ەلدە رەفەرەندۋم وتكىزىلۋى ءتيىس. اتالمىش رەفەرەندۋمدا وسى باستامانى قولداۋشىلاردان 300 مىڭ ادامنىڭ قولى جينالۋى ءتيىس. ق ر نەگىزگى زاڭىنا رەفەرەندۋمسىز وزگەرتۋلەر ەنگىزۋ مۇمكىن ەمەس. سەبەبى، 2020 جىلعا دەيىنگى بەكىتىلگەن موراتورييگە سايكەس، قاندايدا ءبىز وزگەرتۋ جاساۋ ءۇشىن مىندەتتى تۇردە رەفەرەندۋم وتكىزىلۋى ءتيىس دەلىنگەن.

نۇرزات توعجان