25 ناۋرىز كۇنى ۋكراينانىڭ بوريسپول اۋەجايىنا العاشقى 10 HMMWV ماركالى امەريكالىق بروندالعان اسكەري كولىكتەر جەتكىزىلدى، دەپ حابارلايدى "قامشى" پورتالى ۋكراينا پرەزيدەنتىنىڭ باسپا ءسوز قىزمەتىنە سىلتەمە جاساي وتىرىپ. اقش اۋە-اسكەري كۇشتەرىنىڭ ۇشاعى ارقىلى جەتكىزىلگەن تەحينكالاردى ۋكراينا پرەزيدەنتى پەتر پوروشەنكو ءوزى قارسى العان. اقش ۇكىمەتى ۋكرايناعا كومەك رەتىندە بارلىعى 230 بروندالعان HMMWV اسكەري كولىكتەر جەتكىزۋدى جوسپارلاپ وتىر. كەيبىر مالىمەتتەرگە قاراعاندا، 1 كولىكتەن تيەلگەن تاعى ەكى ۇشاق ءساۋىردىڭ باسىنا دەيىن ۋكراينا تەرريتورياسىنا جەتكىزىلەتىن بولسا، قالعان 200 كولىك 45 كۇننىڭ ىشىندە اكەلىنەدى دەپ كۇتىلۋدە.

پەتر پوروشەنكو، ۋكراينا پرەزيدەنتى: - مەن ءوز اتىمنان جانە ۋكراينا حالقى اتىنان امەريكا قۇراما شتاتتارىنا جانە ءونى پرەزيدەنتىنە ۋكراينانىڭ شىعىسىنداعى، دونباسستاعى جانجالدارعا بايلانىستى تۇراقتى پوزيسياسى ءۇشىن العىس ايتقىم كەلەدى. ءبىز بۇل مەملەكەتارالىق جانجالدى بەيبىت جولمەن شەشۋگە قانشا ارەكەتتەنگەنىمىزبەن، ءبىزدىڭ قارسىلاستارىمىز اراداعى كەلىسىمدەردى ءجيى بۇزىپ وتىر. ۇلكەن جانجالعا، سوعىس ارەكەتىنە ءبىزدىڭ اسكەري قۋاتىمىز كەمشىل بولماق. سوندىقتان اقش جانە باسقا دا مۇددەلەس ەلدەردىڭ اسكەري تەحنيكالارىنا مۇقتاجبىز. وسى ماقساتتا العاشقىلاردىڭ ءبىرى بولىپ اقش ۇكىمەتى كومەك قولىن سوزىپ وتىر.

نۇرزات توعجان