جۋىردا  استاناعا قاراستى سارىارقا اۋداندىڭ ءاىىب-دا 10-عا جۋىق ۇساق قۇقىق بۇزۋشىلارعا ايىپ تاعىلدى. بۇل تۋرالى "قامشى" پورتالى حابارلايدى.

ايىپ تاعىلعانداردىڭ باسىم بولىگى قالا كوشەلەرىندە، قوعامدىق ورىنداردا جانە  ايالدامالاردا  تۇكىرگەن، شەمىشكە قوقىمىن تاستاعاندار مەن ارنايى بەلگىلەر كورسەتىلمەگەن ورىنداردا قوقىس تاستاعاندار. سونداي-اق، كىشى سوت پروسەسىنە  جوو وقيتىن ستۋدەنتتەر مەن كوللەدج وقۋشىلارى قاتىسقان.

ايگەرىم ءسادۋاقاسوۆا، مامانداندىرىلعان، اۋدانارالىق، اكىمشىلىك سوت ءتورايىمى:

- بايقاعانىمىزداي بۇگىن سوت پروسەسىنە  قاتىسىپ وتىرعانداردىڭ  باسىم-كوپشىلىگى 16-17 جاستاعىلار ەكەن. ەسكەرتە كەتەيىن، سىزدەر ۇساق قۇقىق بۇزۋشىلىق فاكتىلەرى بويىنشا كونستيتۋسيالىق جاۋاپقا تارتىلۋلارىڭىز مۇمكىن. ءبىراق، بۇل وزگە دوستارىڭىزعا ۇلگى بولارلىق ءىس. بۇگىن سىزدەر جاساعان ۇساق قۇقىق بۇزۋشىلىقتارىڭىز ءۇشىن ايىپ تولەگەندەرىڭىزدى وزگەلەرگە ايتا جۇرەرسىزدەر. بۇل قوعامدىق ءتارتىپتى بىلمەيتىن نەمەسە وعان باعىنعىسى كەلمەيتىن اركىمگە قاتىستى ەكەنىن ايتقىم كەلەدى.

جىل باسىنان بەرى بۇل 9-شى سوت پروسەسى بولىپ وتىر. استانالىق ءتارتىپ ساقشىلارى 2،5 ايدىڭ ىشىندە 1000-عا جۋىق ۇساق قۇقىق بۇزۋشىلار مەن ءبۇزاقىلاردى ۇستاعان.  ولاردىڭ 10-نان استامى بىرنەشە تاۋلىككە قاماۋعا دا الىنعان. ال قالعاندارى جەڭىل جازالانىپ، تەك ايىپپۇل سالىنۋمەن شەكتەلگەن.

وسى ۋاقىتقا دەيىن استانالىق ۇساق بۇزاقىلار قالالىق بيۋدجەتكە 18،5 ميلليون ايىپپۇل تولەگەن ەكەن.

نۇرزات توعجان