قايعىلى وقيعا بەيجىڭدە ورىن العان دەپ حابارلادى قازاقستان جاڭالىقتارى اگەنتتىگى ءوز دەرەككوزدەرىنە سىلتەمە جاساپ.
اقپاراتتىق اگەنتتىكتىڭ دەرەككوزى حابارلاعانداي، “قازاتومپروم” اكسيونەرلىك قوعامىنىڭ باسشىسى جۇڭگو استاناسىندا وسىدان ءبىر ساعات بۇرىن كوز جۇمدى.
بەيجىڭدە قاپپاروۆ قازاقستاننىڭ رەسمي دەلەگاسياسىنىڭ قۇرامىندا بولعان.
الدىن الا دەرەكتەر بويىنشا، ول تۇسكى ۋاقىتتا جۇرەك تالماسىنان كوز جۇمدى.
ايتا كەتسەك، بۇعان دەيىن ول قورشاعان ورتانى قورعاۋ جانە سۋ رەسۋرستارى ءمينيسترى قىزمەتىن دە اتقارعان ەدى. كەيىن اتالعان ۆەدومستۆو وزگەرىستەرگە ۇشىراپ، قاپپاروۆ بۇل مينيسترلىكتە قىزمەتىن ۆيسە-مينيستر رەتىندە جالعاستىردى.
نۇرلان قاپپاروۆ 1970 جىلى 30 ناۋرىزدا الماتى قالاسىندا دۇنيەگە كەلگەن.
قاپپاروۆ قازاقستاننىڭ ەڭ اۋقاتتى 50 ازاماتىنىڭ قاتارىنا كىرەدى. ول Lancaster Group كومپانياسىنىڭ نەگىزىن قالاۋشىلاردىڭ ءبىرى. Forbes دەرەگى بويىنشا ونىڭ بايلىعى 120 ملن دوللارعا باعالانىپ وتىر.
