ق ر ورتا مەكتەپتەردەگى ءبىرىنشى سىنىپ وقۋشىلارى ەندى اپتاسىنا 5 كۇن ساباق وقيتىن بولادى، دەپ حابارلايدى "قامشى" پورتالى.
جاڭىل جونتايەۆ، ق ر بعم مەكتەپكە دەيىنگى ورتا ءبىلىم دەپارتامەنتىنىڭ ديرەكتورى:
ء-قازىر ەلىمىزدەگى ورتا مەكتەپتەردەگى ءبىرىنشى سىنىپتىڭ وقۋشىلارىنا ارنالعان وقىتۋ باعدارلاماسى تىم كۇردەلەنىپ كەتكەن. سوندىقتان ءبىرىنشى سىنىپ وقۋشىلارىنا بەكىتىلگەن پاندەردى قىسقارۋ جۇمىستارى تالقىلانۋدا. سونداي-اق، ءبىرىنشى سىنىپ وقۋشىلارىن اپتادا بەس كۇندىك وقىتۋ جۇيەسىنە اۋىستىرۋ ماسەلەسى دە قولعا الىنعان.
"وسىعان وراي ءبىز ەلىمىزدەگى 30 مەكتەپتە سىناق وتكىزىپ كورەمىز. 2015-2016 وقۋ جىلىندا ءبىرىنشى سىنىپ وقۋشىلارى اپتاسىنا 5 كۇن ساباق وقيتىن بولادى. الىمىزداعى وقى جىلىندا ق ر بعم-نىڭ جاڭا ەرەجەلەرى بويىنشا ساباقتار وتكىزىلەدى. سىناق قورىتىندىسىنا قاراي ەلىمىزدەگى بارلىق ورتا مەكتەپتەردە وسى جۇيەنى ەنگىزۋ-ەنگىزبەۋ بەلگىلى بولادى"، -دەپ مالىمدەدى وكق بيريفەنگ بارىسىندا.
وسىعان دەيىن ق ر بعم-عا 2014 جىلدىڭ كۇزىندە ق ر ءماجىلىس دەپۋتاتتارى 5 كۇندىك وقىتۋ جۇيەسىن ەنگىزۋدى ۇسىنعان ەدى.
سونداي-اق، ق ر ورتا مەكتەپتىك ءبىلىم بەرۋ ستاندارتتارىنا ءبىرقاتار وزگەرتۋلەر مەن جاڭا باعدارلاما جاسالۋى ءتيىس بولعان جانە مەكتەپكە دەيىنگى دايارلىق سىنىپتارى 12 جىلدىق ءبىلىم بەرۋ جۇيەسىنە قوسىلاتىنى تۋرالى بەلگىلى بولعان.
بۇل تۋرالى ءبىلىم جانە عىلىم ءمينيسترى اسلان ءسارىنجىپوۆ مىزرانىڭ ءوزى "ءبىز 12 جىلدىق ءبىلىم بەرۋ جۇيەسىنە جاقىنداي بەرۋىمىز كەرەك. ەلباسى نۇرسۇلتان ءابىش ۇلى اتاپ وتكەندەي، بۇل پروسەسس 11 جىلدىق وقىتۋ جۇيەسىنە قوسىمشا ءبىر جىل مەكتەپكە دەيىنگى دايارلىق توپتارىن قوسۋ ارقىلى جۇزەگە اساتىن بولادى. ءقازىردىڭ وزىندە ەلىمىزدەگى مەكتەپكە دەيىنگى دايارلىق سىنىپتارىنداعى 6 جاسقا دەيىنگى بالالاردىڭ 95 پايىزىن كورسەتىپ تۇر. بۇ قاراپايىم 1+11فورمۋلاسى سەكىلدى. ەندى وسى توپتاردى مودەرنيزاسيالاۋ كەرەك"،-دەگەن بولاتىن.
نۇرگەلدى ءابدىعاني ۇلى
