بۇگىن ت.سىزدىقوۆ ءوز جۇمىسى شەڭبەرىندە كوكشەتاۋ قالاسىندا كەزدەسۋ وتكىزدى.
العاشقى ءىس-شارا «كوكشە» اكادەمياسىندا» ءوتىپ، ستۋدەنتتەر قاۋىمىمەن كەزدەستى.
كەزدەسۋدە قكحپ اقمولا وبلىستىق كوميتەتىنىڭ ءبىرىنشى حاتشىسى ب.د. ءماجيتوۆ مودەراتور بولدى.
ت.سىزدىقوۆ ءوز سوزىندە باتىستىق مادەنيەتتىڭ كولەڭكەلى ىقپالى تۋرالى ماسەلە كوتەردى.
«گولليۆۋدتىك فيلمدەر مەن باتىستىق كومپيۋتەرلىك ويىنداردا زورلىق-زومبىلىققا تولى.
باتىستىق مودا كۇندەلىكتى كيىپ جۇرگەن كيىمدەردىڭ ەلىكتەر ۇلگىسى بولۋدان قالدى.
بۇگىندە باتىستىق مادەنيەتتىڭ نەگىزىندە نە جاتىر – زورلىق-زومبىلىق پەن وڭشەڭ ادامگەرشىلىككە جات قىلىقتار، ءوزىن-وزى جەتىلدىرۋگە، دامىتۋعا دەگەن قۇلشىنىس جوق.
باتىستىق تاماقتانۋ جۇيەسى، ولشەۋسىز كولەمدە فاست-فۋد تۇتىنۋ ادامداردىڭ دەنساۋلىعىن قاۋىپكە تىگىپ وتىر.
بۇل جۇيە از شىعىنمەن مول تابىس تابۋدى عانا ماقسات تۇتادى.
زياندى ازىق-تۇلىكتى تۇتىنۋدىڭ سالدارىنان ءتۇرلى اۋرۋ-سىرقاۋلار تۋىنداۋدا.
دۇرىس تاماقتانباۋ جانە سالاۋاتتى ءومىر سالتىن ۇستانباۋدىڭ كەسىرىنەن سەمىزدىككە، اقىل-ەستىڭ اۋىتقۋى سىندى ءتۇرلى دەرتتەرگە شالدىققان ەلدەر رەيتينگىندە باتىس مەملەكەتتەرى الدا كەلەدى»، - دەپ اتاپ ءوتتى ت.سىزدىقوۆ.
سونداي-اق ت.سىزدىقوۆ «كوكشەتاۋ مينەرالدى سۋلارى» ج ش س جۇمىسشىلارىمەن كەزدەستى.
ءىس-شارانى قكحپ اقمولا وبلىستىق كوميتەتىنىڭ ءبىرىنشى حاتشىسى ب.د. ءماجيتوۆ اشتى.
«بارلىق كومپيۋتەر ويىندارىندا بالالاردىڭ ساناسىنا تەرەڭ بويلاپ، اگرەسسيا تۋدىراتىن ۆيرۋستار بار.
باتىستان ەسكەن زورلىق-زومبىلىققا نەگىزدەلگەن ناسيحات ادامدى اقىل-ەستەن، پاراساتتان ايىرادى.
شەتەلدىك كيىم-كەشەك، مۋزىكا، فيلمدەر مەن سەريالدار جاستاردى «دۇعالاپ» قويعانداي. باتىستىق ءومىر ءسۇرۋ سالتىنىڭ كەسىرىنەن بالا تۋۋ دەڭگەيى تومەندەپ، جاستار جاۋاپكەرشىلىكتەن قاشۋدا.
ءتىپتى، باتىستاعى مۋلتفيلمدەردىڭ ءتۇر-تۇلپاتى جوق كەيىپكەرلەرى ءبىر-بىرىن بالاعاتتاپ، قىرىپ-جويىپ جاتادى. مۇنىڭ ءبارى جوعارىدا اتاپ وتكەن كۇردەلى ماسەلەلەردىڭ بىردەن-بىر سەبەبىنە اينالدى. ءدال وسىنداي باتىستىق ونىمدەر بالالارىمىزدى قاتىگەزدىككە، ارسىزدىققا تاربيەلەۋدە.
گولليۆۋدتىك ستاندارتتاردىڭ ءبارى تەك تابىس تابۋعا نەگىزدەلگەن.
سونىڭ سالدارىنان باتىستا ادامدار بىر-بىرىمەن ارالاسۋدان قالدى»، - دەدى ت.سىزدىقوۆ.
