قازاقستاندا ۇبت-عا دايىندايتىن ەلەكتروندى جاتتىعۋ الاڭى اشىلدى، - دەپ حابارلايدى YK-news.kz. جاتتىعۋ كەزىندە جوعارى بالل جيناعان بولاشاق تالاپكەرگە قانىش ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ گرانتى بەرىلەدى. پورتالدىڭ مالىمەتىنشە، ۇبت-عا دايىندايتىن ەلەكتروندى جاتتىعۋ الاڭى ينتەرنەت ارقىلى جۇمىس ىستەيدى. الماتىداعى مەكتەپتەردىڭ ءبىرىنىڭ بۇرىنعى تۇلەكتەرى ويلاپ تاپقان مۇنداي يدەيانى ق ر ءبىلىم جانە عىلىم مينيسترلىگىندەگىلەر قۇپتاپ، جوبانىڭ ىسكە اسۋىنا كومەك كورسەتكەن. ايتا كەتەيىك، وتكەن جىلعى تەستىلەۋدىڭ بازاسى www.viktoriny.kz ينتەرنەت-سەرۆيسىنە سالىنعان. ەندى كەز كەلگەن مەكتەپ وقۋشىسى تەگىن تەستىلەۋدەن ءوتىپ، قولىن جاتتىقتىرا الادى. 1 ساۋىرگە دەيىن دايىندىققا كىرىسكەندەردىڭ اراسىندا جۇلدە ويناتىلادى. ارنايى جوبانىڭ اۆتورى شىڭعىس سادىقوۆتىڭ ايتۋىنشا، جاتتىعۋ بارىسىندا ەڭ جوعارى بالل جيناعاندار ۇبت جاقىنداعان كەزدە ىرىكتەلەدى. ءبىراق گرانتتىڭ كىمگە بۇيىراتىنىن شىنايى تەستىلەۋدىڭ قورىتىندىسى انىقتاپ بەرەدى. "ارينە، ءبىز تۇسىنەمىز، ەلەكتروندى جاتتىعۋ الاڭىنا قاتىسۋشىلار ينتەرنەتتى، شپارگالكانى پايدالانۋى مۇمكىن. سوندىقتان جەڭىمپاز ۇبت-نىڭ قورىتىندىسى بويىنشا انىقتالادى. گرانتتان بولەك مەكتەپ تۇلەكتەرىنە وزگە دە سىيلىقتار بەرىلەدى"، - دەيدى ول.