جۋىردا قازاقستان جانە رەسەي ۇكىمەتى روسكوسموسقا جالعا بەرىلگەن بايقوڭىردىڭ 25 مىڭ گەكتارىن قازاقستانعا قايتارۋ تۋرالى كەلىسىمگە كەلمەك. بۇل تۋرالى "قامشى" پورتالى قىزىلوردا وبلىسى اكىمشىلىگىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.
وسىعان وراي، قىزىلوردا وبلىسى اكىمى قىرىمبەك كوشەربايەۆ "بايقوڭىر" كومپلەكسىندە ورنالاسقان رەسەيدىڭ فەدەرالدى عارىش اگەنتتىگىنىڭ باسشىسى يگور كوماروۆپەن بولعان كەزدەسۋدە مالىمدەگەن.
كەزەدەسۋ بارىسىندا تورەتام جانە اقاي اۋىلدارىن كەڭەيتۋ ءۇشىن رەسەيدىڭ "روسكوسموس" اگەنتتىگى جالعا الىپ وتىرعان بايقوڭىردىڭ 25 مىڭ گەكتارىن قازاقستانعا قايتارۋ، سونىمەن قاتار، "باتىس جۇڭگو - باتىس ەۋروپا" ماگيسترالىنىڭ قۇرىلىسىن دامىتۋ جولدارى قاراستىرىلعان.
كوشەربايەۆ پەن كوماروۆ قىزىلوردا وبلىسىنداعى ءتۋريزمدى دامىتۋ، زىمىران ۇشىرىلاتىن ايماقتاعى تاماشالۋ ورىندارىنىڭ قۇرىلىسىن باستاۋ، "كراينيي" اۋە جايىنىڭ جوندەۋ جۇمىستارىن قولعا الۋ، EXPO-2017 كەزىندەگى شەت ەلدەردەن قازاقستانعا كەلەتىن تۋريستەرگە قولايلى جاعداي جاساۋ ماسەلەلەرىن ءسوز ەتىلگەن.
سونداي-اق، باسشىلار "بايقوڭىر" عارىش ايلاعىنىڭ 60-جىلدىعى مەن جەڭس مەيرامىنىڭ 70-جىلدىعىن اتاپ ءوتۋ جوسپارلارىن تالقىلاعان. عارىش ايلاعىنىڭ 60-جىلدىعىنا وراي، ايماقتاعى جوو ستۋدەنتتەرىمەن جانە مەكتەپ وقۋشىلارىمەن "بايقوڭىر" كوسمودرومى ارداگەرلەرىمەن كەزدەسۋلەر ۇيىمداستىرۋ، مەرەكەلىك شارالاردىڭ جوسپارلارىن قابىلدانعان.
ەسكە سالا كەتەيىك، بايقوڭىر قالاسى مەن "بايقوڭىر" عارىش ايلاعى رەسەي فەدەراسياسىنا 2050 جىلعا دەيىن جالعا بەرىلگەن بولاتىن.
نۇرزات توعجان
