ق ر پرەمەر-مينيسترى كارىم ءماسىموۆ بەيجىڭدەگى كەزدەسۋ بارىسىندا قحر ءتوراعاسىنان 23 ميلليارد دوللار كەلىسىمگە قول قويدى. ناۋرىزدىڭ 27ء-سى كۇنى جۇڭگو ءتوراعاسى سي سزينپين مىرزا قازاقستان رەسپۋبليكاسىنىڭ پرەمەر-مينيسترى كارىم ءماسىموۆتى قابىلداعان بولاتىن. اتالمىش كەزدەسۋلەر بارىسىندا ەكى ەل اراسىنداعى قارىم-قاتىناستاردىڭ بۇگىنى مەن كەلەشەگى تۋرالى ءسوز ەتىلدى. "ءبىزدىڭ مەملەكەتتەر اراسىنداعى بايلانىستار قارقىندى دامىپ كەلەدى. بۇگىن قول قويىلعان جاڭا كەلىسىم ءبىزدىڭ ەل ءۇشىن "جاقسى ستارت" بولىپ تابىلادى. قازاقستان ءارقاشاندا قىتايمەن ىنتىماقتاستىقتى ارتتىرۋعا دايىن"،-دەدى كارىم ءماسىموۆ بەيجىڭدەگى كەزدەسۋدە. جۇڭگو مەن قازاقستان تەمىر ونەركاسىبى، مۇناي وڭدەۋ، گيروەنەرگەتيكا جانە اۆتوموبيل ءوندىرىسى سالالارى بويىنشا 23 ميلليارد دوللاردىڭ كەلىسىمشارتىنا قول قويعان. "ال، قازاقستان ءوز كەزەگىندە قىتايعا شيكىزات، تاۋار، تابيعي گاز، ۋران رۋدالارىن جانە مۇناي ونىمدەرىن ەكسپورتتاپ وتىر"،-دەدى پرەمەر-مينيستر.

نۇرزات توعجان