ەستەرىڭىزدە بولسا، بىلتىر ق ر پرەزيدەنتى ن.ءا.نازاربايەۆتىڭ "قازاق حاندىعىنىڭ 550 جىلدىعىن مەملەكەت كولەمىندە اتاپ وتەمىز" دەگەن مالىمدەمەسىنەن كەيىن، العاشقىلاردىڭ ءبىرى بولىپ "قامشى" پورتالى قازاق قالامگەرلەرى اراسىندا شىعارماشىلىق بايگە جاريالاعان بولاتىن.

وسىعان وراي، كەشە م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا "قامشى" پورتالىنىڭ ۇيىمداستىرۋىمەن "قازاق حاندىعىنا 550 جىل" تولۋىنا وراي مەرەكەلىك قورىتىندى كونسەرت بولىپ ءوتتى.

مەرەكەلىك كونسەرت بارىسىندا وقىرمانداردىڭ بەزبەنىنە ءتۇسىپ، ءادىل قازىلاردىڭ تارازىسىنان ەلەكتەلىپ، جۇلدەگەر اتانعان شىعارما اۆتورلارىنا ارنايى سىيلىقتار مەن جۇلدەلەر تابىس ەتىلدى. پروزا باعىتى بويىنشا بايگەنىڭ باس جۇلدەسىن مۇرات الماسبەك ۇلى مەن ەربولات ابىكەن ۇلى ءوزارا بولىسسە، پوەزيا باعىتى بويىنشا باس جۇلدەنى اقىن ىقىلاس وجاي ۇلى قانجىعاسىنا بايلادى. ال ماقالا جازۋشىلار اراسىندا بايگەنىڭ باس جۇلدەسىن عالىم بەرەكەت كارىبايەۆ مىرزا يەلەندى.

شىعارمالاردىڭ سايتتاعى وقىلىمى مەن پىكىرلەر سانى، سونداي-اق، ءادىل-قازىلاردىڭ تالقىسىمەن مىنا شىعارمالار جۇلدەگە لايىق دەپ تابىلدى:

پروزا:

ارنايى جۇلدە:

الىبەك ىدىرىس، نۇرلان ءسادىر، قاستەر سارقىتقان

ءۇشىنشى ورىن – 50 مىڭ تەڭگە:

ساعادات ورداشيەۆا، ءقۋانالى الماسبەك، توكەن الجانتەگى

ەكىنشى ورىن – 100 مىڭ تەڭگە:

ايگۇل كەمەلبايەۆا، ەربول بەيىلحان

ءبىرىنشى ورىن – 200 مىڭ تەڭگە:

ەسبولات ايدابوسىن

باس جۇلدە – 500 مىڭ تەڭگە:

مۇرات الماسبەك ۇلى، ەربولات ابىكەن ۇلى

پوەزيا:

ارنايى جۇلدە:

ومار قۇرماش، مارعۇلان اقان، جانات بوقاش

ءۇشىنشى ورىن – 50 مىڭ تەڭگە:

رەتبەك ماعاز، سەرىك مولدابەكوۆ، التىنشاپاق حاۋتاي

ەكىنشى ورىن – 100 مىڭ تەڭگە:

اقتاي اسكەرحان ۇلى، ۇلاربەك دالەي ۇلى

ءبىرىنشى ورىن – 200 مىڭ تەڭگە:

تولەگەن مەللات

باس جۇلدە – 500 مىڭ تەڭگە:

ىقىلاس وجاي

ماقالا:

ارنايى جۇلدە:

ەركەبۇلان سايرامباي، عابدول اۋەزوۆ، ايتيكوۆ البەك

ءۇشىنشى ورىن – 50 مىڭ تەڭگە:

ەربولات قوشقاربايەۆ(جەلىلەس ماقالالار)، بەيسەنباي بەكجان كالەن ۇلى(جەلىلەس ماقالالار)،ايتكۇل شايىمقۇل قىزى ماحايەۆا،

ەكىنشى ورىن –100 مىڭ تەڭگە:

ەسەنگۇل كاپ قىزى، مۇساتايەۆ سەيىلبەك

ءبىرىنشى ورىن – 200 مىڭ تەڭگە:

ءنابيجان مۇحامەتحان ۇلى

باس جۇلدە – 500 مىڭ تەڭگە:

بەرەكەت كارىبايەۆ

بايگە قاتىسقان شىعارمالارعا اقىن، "الاش" ادەبي سىيلىعىنىڭ لاۋرەاتى جاركەن بودەش، قازۇۋ جۋرناليستيكا فاكۋلتەتىنىڭ دەكانى، ف.ع.ك.، دوسەنت ساعاتبەك مەدەۋبەك ۇلى، قازۇۋ تاريح فاكۋلتەتىنىڭ دەكانى، ت.ع.ك.، دوسەنت ارمان ءجۇمادىلوۆ، اقىن، قازۇۋ جۋرناليستيكا فاكۋلتەتىنىڭ ۇستازى مۇرات شايماران مىرزالار ءادىل قازىلىق ەتتى.

بايگەگە قاتىسقان بارلىق جۇلدەلى شىعارمالاردىڭ اۆتورلارىنا جۇلدە قورى 3،5 ميلليون تەڭگە اقشالاي جانە زاتتاي سىيلىقتار مەن "قامشى" پورتالىنىڭ سيمۆولى - "قامشى" تابىستالدى. ال، جالپى شاراعا 6 ميلليون تەڭگە قاراجات جۇمسالدى. اتالمىش قارجى دەمەۋشىلەردىڭ ىقلاس-پەيىلىمەن "قازاق حاندىعىنىڭ 550 جىلدىعى" شاراسىنا جينالعان-دى.

سونداي-اق، تاۋەلسىز "قامشى-اقپارات" قوعامدىق قورى "قامشى" پورتالى حالىقتىڭ ءسوزىن سويلەپ، ءىسىن ىستەپ، ۇلتىنا ادال قىزمەت ەتىپ كەلە جاتقان ءبىر توپ ازاماتتاردى "قازاق حاندىعىنا 550 جىل" مەدالىمەن ماراپاتتادى. اتالمىش ماراپاتقا زاڭگەر ابزال قۇسپان، تۇركى اكادەمياسىنىڭ پرەزيدەنتى دارحان ءقىدىرالى، ساياساتتانۋشى ايدوس سارىم، مەسەنات باۋىرجان وسپانوۆ، وقو ىشكى ساياسات باسقارماسىنىڭ باستىعى بەرىك ءۋالي، ساياساتتانۋشى راسۋل جۇمالى، كاسىپكەر مۇحتار تايجان، ساياساتتانۋشى، قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين، ساياساتكەر ءامىرجان قوسانوۆ، ءماجىلىس دەپۋتاتى نۇرتاي ءسابيليانوۆ، "جۇلدىزدار وتباسى"، "اڭىز ادام" جۋرنالدارىنىڭ باس رەداكتورى جارىلقاپ قالىباي، "ۇلت تاعدىرى" قوعامدىق قوزعالىسىنىڭ جەتەكشىسى دوس كوشىم، ءانشى، "مۋزارت" توبىنىڭ مۇشەسى ساكەن مايعازييەۆ، جۋرناليست، 31 ارنا جاڭالىقتار ءبولىمىنىڭ جەتەكشىسى بولات ءمۇرسالىم، جۋرناليست قاسىم امانجول، بوكسشى قانات يسلام ت.ب. ازاماتتار بولدى.

"قامشى" پورتالى ۇيىمداستىرعان مەرەكەلىك كەشكە قازاقستاننىڭ وبلىستارىنان وزگە اقش، موڭعوليا جانە قحر-دان قانداستارىمىز كەلىپ قاتىستى.

مەرەكەلىك كەشتىڭ قۇرمەتتى قوناقتارىنىڭ قاتارىندا مۇحيتتىڭ ارعى جاعىنان قازاقتىڭ ابىرويىن اسقاقتاتىپ جۇرگەن، قازاقتىڭ قاناتى - قانات يسلام باۋىرىمىز ارنايى كەلىپ قاتىستى.

"الاش ۇلى" باس بولىپ تىزگىنىن ۇستاعان مەرەكەلىك كونسەرتتە رامازان ستامعازييەۆ، قوڭىر توبى، ءومىرقۇل اينيازوۆ، جانبولات پەن جازيرا، تۇران ەتنو-فالكلورلىق ءانسامبلى، ساۋلەجان تاعزيا، اسحات تارعىنوۆ ت.ب. قازاق ەستراداسىنىڭ جارىق جۇلدىزدارى كورەرمەنگە تاماشا كوڭىل كۇي سىيلادى.

قانات يسلام، بوكسشى:

- قۇمەتتى باۋىرلار، بۇگىنگى مەرەكەلەرىڭىز قۇتتى بولسىن. ءبىزدىڭ قازاق دەيتىن اتا-بالارىمىزدان ءسوز ارتىلماعان ەكەن عوي. سول اتا-بابالارىمىزدىڭ ءار سالادا ايتىپ كەتكەن سوزدەرىن تۋرا شايناپ، تۋرا جۇتىپ، كەڭىردەگىمىزدەن وتكىزە الساق، بىزگە باسقا بىرەۋدىڭ ءبىلىمىنىڭ كەرەگى بولماس ەدى. ءبىز ءقازىر اس ءىشىپ، اياعىمىزدان جاتاتىن ۋاقىت ەمەس، ءقازىر ءوزىمىزدىڭ قازاق ءۇشىن قىزمەت ەتەتىن ۋاقىت دەگەن ەدى، ءبىر باۋىرىم. سول ايتقانداي، اركىم ءار سالادا ءوز ۇلتى ءۇشىن، قازاق ۇلتى ءۇشىن ايانباي ەڭەبەك ەتسە، ءبىز جەڭەتىنىمىز ءسوزسىز. قازاق حاندىعىنىڭ 550 جىلدىعىن ەمەس، 3000 جىلدىعىن تويلايتىن كۇن تۋسىن اعايىن.

ەسەنگۇل كاپ قىزى، جۋرناليست:

- كەشە www.qamshy.kz سايتىنىڭ ۇيىمداستىرۋىمەن قازاق حاندىعىنىڭ 550 جىلدىعىنا وراي وتكىزىلگەن شىعارماشىلىق بايقاۋىنىڭ قورىتىندىسى بولىپ ءوتتى. "قامشى" سايتى وتە يگى ىسكە مۇرىندىق بولىپ، ناعىز مەملەكەتشىلدىكتىڭ بيىك ۇلگىسىن تانىتتى. قازاق ۇلت رەتىندە ۇيىسا الماعان، اۋىلداعىلار رۋلىق سانادان اسا الماعان دەگەن ۇشقارى پىكىرلەرگە وسى شارا جاۋاپ بەرە الاتىن شىعار دەپ ويلايمىن.

ايتا كەتەرلىك تاعى ءبىر جايت، اتالعان مەرەكەلىك شارادا "قامشى" پورتالىنىڭ گيمنى ورىندالىپ، تۇساۋى كەسىلدى.

"قامشى" ۇجىمى