ەلىمىزدە تۇڭعىش رەت ۇيىمداستىرىلىپ وتىرعان «قازاقيا 2015» بلوگ-بايقاۋىنا ىرىكتەۋ كەزەڭى باستالدى.  ۇيىمداستىرۋشىلار وسى جوبا ارقىلى قازاقستاندى جاڭا قىرىنان تانىتىپ، قازاق ءتىلدى ينتەرنەت كەڭىستىكتى مەملەكەتتىك تىلدەگى ساپالى جولجازبا كونتەنتپەن تولىقتىرۋدى كوزدەپ وتىر.

بايقاۋ 26 ناۋرىز بەن 24 ءساۋىر ارالىعىندا وتەدى.  نەگىزگى 14 كۇندىك ساپار – 10 ءساۋىر مەن 24 ءساۋىر ارالىعىنا جوسپارلانعان.

ۇمىتكەرلەر العاشقى كەزەڭدە «كوكتەمگى پوزيتيۆ»، «وزىڭنەن باستا!»، «مەنىڭ جەرىم»، «اتا-اناما قۇرمەت»، «وتباسىم – وتانىم» سياقتى تاقىرىپتاردا ەكى پوستىدان (جازبا، فوتو، بەينە) ۇسىنىپ، العاشقى كەزەڭنەن وتۋگە ءتيىس. كەلەسى كەزەڭگە ىرىكتەلگەن ازاماتتار الداعى ۋاقىتتا جاريالاناتىن ساپار مارشرۋتى بويىنشا ءوز جوسپارلارىن ۇسىنىپ، بايقاۋدىڭ ەكىنشى كەزەڭىنەن وتەدى.

نەگىزگى كەزەڭگە ىرىكتەلگەن 10 بلوگەر قازاقستاننىڭ سەگىز وبلىسى مەن قالاسىن، 12 ستانسانى تەمىر جول بويىمەن باسىپ وتپەك. ۇزدىك جولجازبالار مييليون تەڭگەلىك جۇلدە قورى ءۇشىن ب ا ق سىنايدى.

بايقاۋ شارتتارى مەن جاڭالىقتارىن جوبانىڭ الەۋمەتتىك جەلىدەگى رەسمي پاراقشالارىنان تابۋعا بولادى.

جوباعا Altel 4 G GSM كومپانياسى دەمەۋشىلىك ەتۋدە.