قازاقستان 2026 جىلى فۋتبولدان الەم چەمپيوناتىن وتكىزۋ ءۇشىن فيفا باسشىلىعىنا ۇسىنىس جولداۋى مۇمكىن، دەپ حابارلايدى "قامشى" پورتالى.

بۇل تۋرالى كەشە  قازاقستان فۋتبول فەدەراسياسىنىڭ پرەزيدەنتى ەرلان قوجاعاپانوۆ مالىمدەگەن.

"ونداي جوسپارلاردىڭ بار ەكەنى راس. ءبىز ءقازىر وسى ماسەلەنى جان-جاقتى تالقىلاپ، اناليز جاساۋدامىز. ءبىزدىڭ مۇمكىندىكتەرىمىزدى ەسكەرەر بولساق، 2026 جىلى فۋتبولدان الەم چەمپيوناتىن نەگە قازاقستاندا وتكىزبەسكە؟ بىزدە بارلىق قولايلىلىقتار قاراستىرىلعان، ەكونوميكامىز ءوسىپ كەلەدى، ەلىمىز دامىپ كەلەدى... ءبىز ءقازىر 2022 جىلى قىسقى وليمپيادا ويىندارىن وتكىزۋدى جوسپارلاپ وتىرمىز. سوسىن بارىپ، 2026 جىلى ءاچ وتكىزۋ ءۇشىن تالاساتىن بولامىز"،-دەيدى ە. قوجاعاپانوۆ.

فۋتبولدان الەم چەمپيوناتىن قازاقستاندا وتكىزۋ تۋرالى 2014 جىلى قفف ەكس-پرەزيدەنتى ادىلبەك جاقسىبەكوۆ ايتقان بولاتىن.

"2026 جىلى فۋتبولدان ءاچ قازاقستاندا ءوتۋى مۇمكىن. چەمپيونات وتكىزۋگە بىزدە بارلىق جاعدايلار قاراستىرىلعان. ءتىپتى، ەۋروپا چەمپيوناتىن، چەمپيوندار ليگاسى ويىندارىن نەمەسە ەۋروپا ليگاسى ويىندارىن وتكىزۋ ءۇشىن ۇسىنىستار جولداۋىمىز مۇمكىن"،-دەگەن ەدى جاقسىبەكوۆ مىرزا.

نۇرزات توعجان