جاقىندا الاتاۋ اۋداندىق سوت ءتوراعاسى تالعات ماقۇلوۆ مىرزا ۇلارالىق جانجالدى قوزدىرعانى ءۇشىن تاتيانا شيەۆسوۆوي-ۆالوۆاعا قاتىستى  4 جىلعا باس بوستاندىعىنان ايىرۋ تۋرالى شەشىم شىعاردى. بۇل تۋرالى "قامشى" پورتالى حابارلايدى. تاتيانا شيەۆسوۆوي-ۆالوۆا  ق ر قىلمىستىق كودەكسىنىڭ 164 بابى بويىنشا،(ۇلتتار اراسىندا ۇلتارالىق جانجالدى قوزدىرۋشى) ايىپ تاعىلىپ، 4 جىلعى بوستاندىعىنان ايىرىپ، ونىڭ 3 جىلىن شارتتى تۇردە سىناق مەرزىمى دەپ قاراستىرۋ تۋرالى ۇكىم شىعارعان. سونداي-اق، تاتيانا شيەۆسوۆوي-ۆالوۆاعا  ارنايى مەملەكەتتىك مەكەمەلەرگە ەسكەرتپەستەن ق ر اۋماعىن تاستاپ كەتۋگە، تۇراقتى مەكەن-جايى مەن قىزمەتىن  اۋىستىرۋعا بولمايتىنى ەسكەرتىلگەن جانە سوت پروسەسىندە ۇزارتقانى ءۇشىن 48 500 تەڭگە كولەمىندە ايىپپۇل سالعان. ق ر كونستيتۋسياسىندا كورسەتىلگەندەي ايىپتالۋشى، ۇلتارالىق جانجالدى تۋدىرۋشى ۇكىمدى اپەللياسياعا بەرۋگە قۇقىلى. ال تاتيانا شيەۆسوۆوي-ۆالوۆا بولسا، وزىنە قاتىستى شىققان ۇكىممەن تولىقتاي كەلىسپەيتىنىن ايتقان. ونىڭ ايتۋىنشا سوت پروسەسىندە ونىڭ كىنالى ەكەنىن ايعاقتايتىن دالەلدەر تولىق كەلتىرىلمەگەن. ەستەرىڭىزگە سالا كەتسەك، تاتيانا شيەۆسوۆا-ۆالوۆا ق ر ەسكى قىلمىستىق كودەكسىندە كورسەتىلگەن 164 بابى بويىنشا، ءوزىنىڭ الەۋمەتتىك جەلىلەردەگى پاراقشالارىندا ۇلتارالىق ارازدىقتى تۋدىراتىن جازبالار جاريالاعانى ءۇشىن ايىپتالعان بولاتىن. ونىڭ جازبالارىنا قاتىستى قىلمىستىق ءىس قوزعاۋعا ءبىر توپ قازاقستاندىق بلوگەرلەردىڭ شاعىمى سەبەپ بولعان. قازاقستاندىق 11 بلوگەر سوت بارىسىندا تاتيانانىڭ ەندىگى ءوشىرىپ ۇلگەرگەن سول جازبالارىنىڭ سۋرەتىن اكەلىپ كورسەتكەن بولاتىن. نۇرزات توعجان