بۇل تۋرالى "قامشى" پورتالى  بقو پروكۋراتۋراسىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.

- ق ر ەڭبەك كودەكسى مەن مەملەكەتتىك قىزمەتكەرلەردىڭ ار-نامىس كودەكسىندە كورسەتىلگەن تالاپتاردى بۇزعان بوكەيوردا اۋدانىنا قاراستى سارىالجىن اۋىلدىق وكرۋگىنىڭ اكىمى قۋاندىق راشقالييەۆكە قاتىستى بقو بوكەيوردا اۋداندىق پروكۋروتۋراسىنىڭ ۇكىمى شىققان.

ۇكىمدە كورسەتىلگەندەي راشقالييەۆ مىرزا ق ر ەڭبەك جانە ار-نامىس كودەكستەرىن بەلشەسىنەن باسىپ، قىزمەتتىك ەتيكانى ساقتاماعانى ءۇشىن قىزمەتىنەن بوساتىلعان.

ەستەرىڭىزدە بولسا، راشقالييەۆتىڭ ءىسى بقو بوكەيوردا اۋداندىق  تارتىپتىك كەڭەسكە قاراۋعا جىبەرىلگەن بولاتىن.

تارتىپتىك كەڭەس ۇسىنعان مالىمەتتەردە 2015 جىلى اقپان ايىندا راشقالييەۆ مىرزا جۇمىس ورنىنا ۋداي ماس كۇيىندە كەلىپ، قابىلداۋعا كەلگەن اۋىل تۇرعىنىن بالاعاتتاپ، ەتيكاعا جات سوزدەر ايتقان.

ارتىنشا جابىرلەنۋشى ايەل راشقالييەۆتىڭ ۇسىنەن شاعىمدانىپ،  اكىم مىرزادان 10 مرپ كولەمىندەگى ۇساق بۇزاقىلىعى ءۇشىن وتەماقى وندىرىلگەن بولاتىن.

بوكەيوردا اۋدانى اكىمى نۇرلان راقىمجانوۆتىڭ ايتۋىنشا، راشقالييەۆ ءبىراز ۋاقىتتان بەرى ىشىمدىككە سالىنىپ جۇرگەن. ول اۋداندىق تارتىپتىك كەڭەس ونىڭ بۇل ارەكەتتەرىن ەسكەرە كەلە، راشقالييەۆتى كىنالى دەپ تاۋىپ، ونى قىزمەتىنەن قۋۋ تۋرالى شەشىم شىعارعان.

نۇرزات توعجان