جاقىندا قىرعىز رەسپۋبليكاسىنىڭ قۇقىق قورعاۋ قىزمەتكەرلەرى  ق ر،  وزگەن اۋدانىنىڭ تۇرعىنى،   66 جاستاعى ايدارقۇلوۆ  رايىمجان ەسىمدى قاريا  ءوزىنىڭ ەكى بالاسىمەن بىرگە  قالجار قىزى ساحيلا ەسىمدى 11 جاسار قىزعا كۇش كورسەتىپ، ورىمدەي قىزدى زورلاعانى تۋرالى اقپارات تاراتقان.

قىرعىز رەسپۋبليكاسىنىڭ قۇقىق قورعاۋ قىزمەتكەرلەرىنىڭ مالىمەتىندە كۇدىكتى رەتىندە ۇستالعان 1949 جىلدىڭ تۋماسى ايدارقۇلوۆ رايىمجان ەسىمدى قاريا تەرگەۋ بارىسىندا ءوز قىلمىسىن  تولىقتاي مويىنداعىنى ايتىلعان.

ايدارقۇلوۆتىڭ ايتۋىنشا، ول بۇل ارەكەتكە الكوگولدى ىشىمدىككە ماس بولىپ قالىپ، ەسىن بىلمەگەندىكتەن بارعان. كۇدىكتى بۇرىن ءىستى بولماعان.

تەرگەۋ بارىسىندا ايىپتالۋشى بەرگەن مالىمەتتە  جابىرلەنۋشى ءوزىنىڭ تۋىسقانىنىڭ نەمەرەسى ەكەنى ايتىلعان. ول 4 جىلدان بەرى ايدارقۇلوۆتىڭ ۇيىندە تۇرىپ كەلگەن. وقيعا ورىن العان كۇنى ايىپتالۋشى ءۇش بىردەي ازامات تا ماس كۇيدە ۇيدەگى جاس قىزدى زورلاعان. تەرگەۋ ناتەجيەلەرىنىڭ قورىتىندىسىندا كورسەتىلگەن مالىمەتتەردە ايىپتالۋشىلاردىڭ ۇشەۋى دە ءوز قىلمىستارىن تولىق مويىنداعان. ال پەدوفيلدەردىڭ ءىسى سوتقا قارالۋعا جىبەرىلگەن.