الماتى وبلىسىندا پوليسيا قىزمەتكەرى ءوزىنىڭ ارىپتەسىن اتىپ ءولتىردى، - دەپ حابارلايدى "قامشى" پورتالى.

وقيعا 29 ناۋرىز كۇنى الماتى وبلىسى، االاكول اۋدانى، جايپاق اۋىلدىق وكرۋگىنەن 16 شاقىرىم جەردە بولعان. الايدا الماتى وبلىستىق ءىىب وقيعانى بۇگىن جاريالاپ وتىر.

الماتى وبلسىتىق ءىىب-نىڭ باسپا ءسوز قىزمەتىنىڭ مالىمەتىنشە ءاىىب باسشىسى اڭشى قارۋىمەن پوليسيا ينسپەكتورىن ابايسىزدا وق اتقان.  مالىمەتتەردە  اڭشى مىلتىعىنان اتىلعان وقتان  ينسپەكتور وقيعا ورنىندا كوز جۇمعان دەلىنگەن.

اتالمىش وقيعاعا قاتىستى قىلمىستىق ءىس قوزعالىپ،  كۇدىكتى رەتىندە ۇسىالعان پوليسيا باسشىسى تەرگەۋ يزولياتورىنا قامالعان. سونداي-اق، ءمايىت دەنەسى سوت-مەديسينالىق ساراپتاماسىنا جىبەرىلگەن.

ەسكە سالا كەتيىك، بۇنداي وقيعالار قازاقستاندا ءبىرىنشى مارتە كەزدەسىپ وتىرعان جوق.

2011 جىلى قاراعاندى وبلىسىندا جپب بولىمشەسىندە جول پوليسياسى تراۆماتيكالىق قارۋدى تاپسىرۋ كەزىندە ءوزىنىڭ ارىپتەسىن جارالاعان ەدى. اۋىر جاراقات العان ازامات اسكەر گوسپيتەلگە جىبەرىلگەن بولاتىن.

2013 جىلى بقو، ورال قالاسى، جانگاين كەنتىنىڭ ءاىىب قىزمەتكەرى كەزەكتى كەزەكشىلىك اۋسىمدا قىزمەتتىك تاپانشانى ءوزىنىڭ ارىپتەسىنە وتكىزۋ كەزىندە ابايسىزدا وق اتىلعان ەدى. كەيىن انىقتالعانداي، وق پوليسيا قىزمەتكەرىنىڭ سول اياعىن جاناي وتكەن جانە پوليسيا قىزمەتكەر ءتىرى قالعان ەدى.

2014 جىلدىڭ ناۋرىز ايىندا ءدال وسىنداي وقيعا تاراز قالاسىندا ورىن العان. ءدال تومەندەگىدەي سيۋجەتپەن، پوليسيا قىزمەتكەرى تابەلدىك تاپانشانى تاپسىرۋ كەزىندە ارىپتەسىنە وق اتقان. بۇل جولى، كەزەكشىلىكتى قابىلداۋشى پوليسيا قىزمەتكەرى وقيعا ورنىندا مەرت بولعان ەدى.

نۇرزات توعجان