استانا قالاسى، ەسىل اۋداندىق №2ء-شى سوتى ءتوراعاسى ۇبايدوللا قوشانوۆ مىزرا ارەم-نىڭ ەكس-توراعاسى مۇرات وسپانوۆقا ميللياردتتاعان ايىپپۇلدارىن وتەۋ ءۇشىن التى اي مەرزىم بەردى، دەپ حابارلايدى "قامشى" پورتالى.

26 ناۋرىز كۇنى سوت ءتوراعاسى ۇبايدوللا قوشانوۆ مىرزا مۇرات وسپانوۆتىڭ قورعاۋشىسى  كورسەتكەن "ايىپپۇلدى وتەۋ مەرزىمىن التى ايعا دەيىن ۇزارتۋ" تۋرالى ءوتىنىشىن قاناعاتتاندىرعان. سوت ۇكىمى شەشىم شىعارىلعان  15 كۇننىڭ ىشىندە زاڭدى كۇشىنە ەنەتىن بولادى.

ەستەرىڭىزدە بولسا، قازاقستانداعى انتيمونوپوليالىق باسقارمانىڭ بۇرىنعى باسشىسىنا قاتىستى ميلليارد ايىپپۇلدى وتەۋگە مىندەتتەلگەنى تۋرالى شەشىم 3 ناۋرىز كۇنى كۇشىنە ەنگەن بولاتىن. ال 13 اقپان كۇنى پارامەن ۇستالعان ارەم-نىڭ ەكس-باسشىسى مۇرات وسپانوۆقا 1 ميلليارد 101 ميلليون 60 مىڭ تەڭگە كولەمىندە ايىپپۇل كەسىلگەن ەدى. ق ر كونستيتۋسياسىندا كورسەتىلشگەندەي ايىپتالۋشى وزىنە قاتىستى كەسىلگەن ۇكىمگى كوڭىلى تولماسا، قايتا قاراۋعا تالاپ ەتۋگە قۇقىلى بولعان. الايدا سوت ءتوراعاسىنىڭ مالىمەتىنشە، وسپانوۆ ءوزىنىڭ بۇل مۇمكىندىگىن قولدانباعان.

وسپانوۆقا تاعايىندالعان ۇكىم بويىنشا ول ايىپپۇلدى 1 اي مەرزىمىندە، ياعني 3 اقپانعا دەيىن وتەۋى ءتيىس بولعان.  ق ر جاڭا قىلمىستىق كودەكسىندە كورسەتىلگەندەي ەگەر ايىپتالۋشى ايىپپۇلدى تولەۋدەن جالتاراتىن بولسا، مۇنىڭ اياعى باس بوستاندىعىنان ايىرۋمەن اياقتالادى دەلىنگەن.

ەسكەرتە كەتەيىك، قىزمەتتىك بابىن اسىرا پايدالانىپ، پارامەن ۇستالعان مۇرات وسپانوۆتىڭ ەندىگى جەردە ءومىر بويىنا مەملەكەتتىك جوعارى قىزمەتتەر اتقارۋىنا شەكتەۋ قويىلعان. سونداي-اق، وسپانوۆتىڭ بارلىق دۇنيە-مۇلىكتەرىن تاركىلەۋ تۋرالى شەشىم شىققان.

ال وسپانوۆتىڭ ءىسىن قاراۋشى سوت ءتوراعاسى ەربول راحيمبەكوۆ ق ر پرەزيدەنتىنەن وسپانوۆتىڭ بارلىق مەملەكەتتىك ناگرادالارىنان ايىرۋدى سۇراعان.

نۇرزات توعجان