ق ر مەملەكەتتىك قىزمەت جانە جەمقورلىققا قارسى كۇرەس اگەنتتىگى الداعى ۋاقىتتا كەي مەملەكەتتىك قىزمەتكە تۇرۋ ءۇشىن شەت ەلدە ماگيسترلىك ءبىلىم الۋدى مىندەتتەۋ تۋرالى قۇجاتتى ۇسىناتىنىن ايتتى، دەپ حابارلايدى "قامشى" پورتالى. بۇل تۋرالى بۇگىن اگەنتتىك باسشىسىنىڭ ۋاكىلى دينارا جانەنوۆانىڭ مالىمدەمە جاساعان.
"ءبىز ۇسىنىپ وتىرعان نەگىزگى اسپەكتىلەردىڭ ءبىرى - مەملەكەتتىك قىزمەتتەرگە تاعايىنداۋ ءۇشىن ماگيسترلىك ديپلومنىڭ، شەت ەلدىك جوو-دا، ماگيسترلىك، اكادەميالىق نەمەسە تولىق باكالۆرلىق ءبىلىم الۋى شارت بولۋى ءتيىس. ءقازىر ءبىزدىڭ مەمەلەكەتتىك قىزمەتكەرلەر شەت ەلدىك ارىپتەستەرىمەن ءجيى كەزدەسۋلەر ۇيىمداستىرىپ، كوپتەگەن جۇمىستاردى بىرلەسىپ اتقارۋدا. وسىنى ەسكەر وتىرىپ، ءبىز مەملەكەتتىك قىزمەتتەردىڭ كەي تۇرىنە كۆاليفيكاسيالىق تالاپتاردى كۇشەيتۋدى ءجون دەپ ەسەپتەيمىز"،-دەدى جانەنوۆا ورتالىق باسپا ءسوز كلۋبىندا وتكەن پرەسس-كونفەرەنسيادا.
جانەنوۆانىڭ ايتۋىنشا، اگەنتتىك مەملەكەتتىك قىزمەتتەرگە وقۋدا وزات شىققان، ءبىلىمدى، دارىندى جاستاردى، "بولاشاق" باعدارلاماسىنىڭ تۇلەكتەرىن تارتۋدى دا ۇسىنعان. سونداي-اق، جاس مامانداردىڭ كاسىبي دەڭگەيىن ءوسىرۋ ءۇشىن شەت ەلدەردە تاجىربيە جيناقتاۋعا جىبەرۋ، ارنايى باعدارلامالار بويىنشا وقىتۋ سەكىلدى ءبىرقاتار باستامالاردى جوسپارلاپ وتىر.
