رەسەيدىڭ وحوتسكى تەڭىزىندە  كەمە اپاتقا ۇشىراپ، 54 ادام قازا تاپتى، دەپ حابارلايدى "قامشى" پورتالى.

رەسمي مالىمەتتەرگە سۇيەنسەك، رەسەيدىڭ كامچاتكا جارتى ارالى، وحوتسكى تەڭىزىندە بالىق اۋلاۋشى تراۋلەر تەڭىزگە باتىپ كەتكەن. كەمەدە  بارلىعى 132 ادام بولعان. ولاردىڭ 54ء-ى قازا تاپقان. رەسەيدىڭ قۇتقارۋ قىزمەتى كەشە مۇزدى سۋ قۇرساۋىندا قالىپ قويعان  63 ادامدى امان الىپ شىققان. كەيبىر دەرەكتەردە، قازا بولعانداردىڭ كوبى، مۇزدى سۋدا ءۇسىپ ولگەن، دەپ كورسەتىلگەن.

ينتەرفاكس تاراتقان مالىمەتتەردە، اپاتقا ۇشىراعان كەمەدەن قۇتقارىلعانداردىڭ كوبىنىڭ دەنەسىن ۇسىك شالعان دەپ ايتىلعان. قۇتقارىلعانداردىڭ ىشىندە 10-نان استامى ەسىنە كەلمەگەن، ءقازىر ولار رەسەيلى اۋرۋحانالارعا جاتقىزىلعان.

ال كەمەنىڭ 15 ەكيپاج مۇشەسىنىڭ دەنەسى تابىلماعان. رف تجم رەسمي مالىمدەمەسىندە اپاتقا ۇشىراعان كەمەدە بولعان بارلىق ازاماتتاردىڭ دەنەلەرى ىزدەستىرۋ ءۇشىن بارلىق كۇش جۇمىلدىرىلعان دەلىنگەن. سونداي-اق، ەرىكتى تۇرعىنداردان 25-كە جۋىق بالىق اۋلاۋشى كەمەلەر كومەككە كەلگەن. ءقازىر رەسەيلىك قۇزىرلى كوميسسيا كەمە اپاتىنىڭ نەدەن بولعاندىعىن تەكسەرۋدە.

الدىن الا كورسەتىلگەن مالىمەتتەردە كورسەتىلگەندەي، اپاتقا ۇشىراعان كەمەدە لاتۆيا، ۋكراينا، ميانمار، ناتۋاتۋ ەلدەرىنىڭ ازاماتتارى بولعان.

نۇرزات توعجان