بۇل جان تۇرشىگەرلىك وقيعا بەلارۋسيانىڭ برەست وبلىسىنا قاراستى لۋنينسك اۋدانى كوجان-گورودوك اۋىلىندا ورىن العان. 59 جاستاعى ەر ازامات  ءوزىنىڭ 83 جاستاعى قارت شەشەسىن بەنزينمەن ورتەپ جىبەرگەن. كورشىلەرىنىڭ ايتۋىنشا، رەسمي قۇجاتتاردا ۇلى جەرگىلىكتى اكىمشىلىككە الەۋمەتتىك قىزمەتكەر رەتىندە تىركەلگەن جانە ءوزىنىڭ قارت شەشەسىن قاراۋعا جاۋاپتى بولعان.  الايدا، شىن مانىندە ءبارى  مۇلدە باسقاشا ەدى. 83 جاستاعى كەيۋانا ىشىمدىككە سالىنعان، جۇمىسسىز ۇلىنىڭ كۇتۋشىسى بولعان ەدى، دەيدى. ول ۇنەمى كەيۋاناعا قول جۇمساپ، اراققا اقشا الىپ كەتىپ جۇرگەن. ءتىپتى، ىشىمدىككە قاتتى ماسايعان كۇندەرى وزىنە-وزى قول جۇمساۋعا ارەكەتتەنەتىن. بۇل بىرنەشە مارتە قايتالانعانىپ وتىرعان. ناۋرىزدىڭ 27ء-ى كۇنى ول قايتادان قارت شەشەسىنەن ىشىمدىككە ساتىپ الۋ ءۇشىن 50 بەرارۋس ءرۋبلى (3،44 دوللار) كولەمىندە اقشا تالاپ ەتكەن. ال كەيۋانا ۇلىنا اقشا بەرمەيتىنىن ايتقاندا، اشۋلانعان ۇلى اۋلاداعى قالبىردا تۇرعان بەنزيندى شەشەسىنىڭ ۇستىنە قۇيىپ، اياۋسىزدىقپەن ورتەپ جىبەرگەن. ورتكە ورانعان قارت جان ۇشىرا داۋىستاپ، كورشىلەرىن كومەككە شاقىرعان كۇيدە بار پارمەنىمەن كوشەگە قاراي ۇمتىلعان. ال اراققا سىلقيا تويىپ العان ۇلى اۋلاداعى سارايعا كىرىپ، تىعىلىپ قالعان. مۇنى كورگەن كورشىلەرى ءورتتى ءسوندىرىپ، جەدەل-جاردەم مەن ميليسيا شاقىرعان. جەدەل-جاردەم مەن ميليسيا كەلگەندە قارت ەسىن تولىق بىلگەن جانە بارلىعىن ءوزى ايتىپ بەرگەن. جەدەل ارەكەتكە كىرىسكەن ميليسيا قىزمەتكەرلەرى قانىپەزەردى تۇتقىنداماق بولىپ، سارايدىڭ ەسىگىن بۇزىپ كىرگەندە، ۇلى ارقان-جىپكە اسىلىپ قالعانىن كورەدى. ال قازىرگى تاڭدا ءجابىر كورگەن زەينەتكەر لۋنينسكى اۋداندىق اۋرۋاناسىنىع جان ساقتاۋ بولىمىندە جاتىر. جاسى 84-كە كەلەتىن قارت انانىڭ دەنەسىنىڭ 50، پايىزىن كۇيىك شالعان. نۇرزات توعجان